Otynnyń suranysqa ie túrlerine baǵalardyń ózgerýi týraly jiilep ketken suraqtarǵa bailanysty "QazMunaiGaz Ónimderi" JShS Qazaqstannyń JJM naryǵyndaǵy jaǵdaiǵa sholý jasady, - dep habarlaidy "Ult aqparat" "QazMunaiGaz Ónimderi" JShS Jurtshylyqpen bailanys jáne jarnama qyzmetine silteme jasap.
Aita keteiik, qańtar aiynyń ortasynda AI-92 benzininiń baǵasy iri janarmai quiý beketterinde litrine 137 teńgege teń bolǵan edi.
"Qańtar aiynyń ortasyndaǵy negizgi úrdis iri JMQS jelilerinde AI-92 markanyń baǵasy litrge 137 teńgege deiin túzetilgeni boldy. Qańtardyń ortasyndaǵy osy otyn markasy qunynyń jalpy qymbattaýy qańtardyń basynda kóterme baǵalardyń ózgerýine bailanysty. Nátijesinde, litrge shaqqanda satyp alý baǵasyn 3,5-4 teńgege kóbeitti. Iri óńirlik JMQS-ta AI-92 benzininiń baǵasy litrge 135-145 teńge kóleminde boldy. Joǵary ortasha baǵalar Resei Federatsiiasynan jetkiziletin importqa aiqyn táýeldiligi bar respýblikanyń soltústik aimaqtarynda baiqaldy. Osy óńirlerde eń qymbat import baǵalar teńgerimin litrge 140-142 teńge deńgeiinde ornatady", - delingen habarlamada.
Sondai-aq, jeltoqsan aiynyń qorytyndysy boiynsha AI-92 benzininiń qaldyqtary mereke kúnderi tutýnýdyń azaiýy esebinen ishinara ornyn toltyrdy. Alaida, jyl basyndaǵy qalyptasqan munai óniminiń kólemi qańtar aiyna tán emes - ádette osy aida qaldyqtardyń jinalýy bolatyn. Sonymen qatar, qaldyqtardyń ornyn toltyrý úshin importty ulǵaitý qajet, onyń quny da Reseide baǵalardyń ósimine bailanysty qymbattai túsken.
Bul sondai-aq, bólshek baǵalar trendin bir litrge 140-145 teńge deńgeiine deiin baǵyttaidy, bul aǵymdaǵy kezeńde teńgerýshi baǵa. Baǵalardy retke keltirý munai ónimderin kedergissiz importtaýǵa múmkindik beredi, iaǵni otyn tapshylyǵynyń aldyn alýǵa múmkindik týǵyzady. Bul rette, otandyq óndiristiń otynyna kóterme baǵalary bir orynda turmaidy jáne birte-birte Resei importynyń kóterme baǵasynyń deńgeiine deiin kóteriledi.
"QazMunaiGaz Ónimderi" JShS ókilderiniń málimetinshe, dizel otyny boiynsha jaǵdai turaqty bolyp qalyp otyr. Iri JMQS jelilerinde dizel otynynyń baǵasy litrge 128-131 teńgeni quraidy jáne qarasha aiynan beri ózgergen joq. QMG-nyń JMQS-ta baǵa bir litrge 128 teńgeni quraidy. JMQS-tyń óńirlik jelilerinde baǵa bir litrge 128-den 135 teńgege deiin qubylýda. Qazaqstan Respýblikasynda dizel otynynyń qory qazan-qarasha ailaryndaǵy azaiýdan keiin turaqtaldy jáne ótken jylǵy qańtar aiyndaǵy deńgeige jetti. Qysqa merzimdi perspektivada dizel otynyn satý baǵasynyń kúrt ósýi boljamdanbaidy jáne bir litrge 128-131 teńge deńgeiinde qalady.
"Sonymen qatar, "Benzin (aviatsiialyq benzindi qospaǵanda) men dizel otynyna arnalǵan aktsiz mólsherlemesin bekitý týraly" Qazaqstan Respýblikasy Úkimetiniń 2015 jylǵy 13 naýryzdaǵy № 133 qaýlysyna ózgeris engizý týraly" Qazaqstan Respýblikasy Úkimetiniń 2016 jylǵy 30 qyrkúiektegi № 557 qaýlysyna sáikes 2017 jylǵy 1 sáýirden bastap dizel otynyn satýǵa aktsiz mólsherlemesi tonnaǵa 9300 teńgeni quraidy. Aktsizdiń ulǵaiýy esebinen kóterme baǵanyń ulǵaiýy bir litrge shamamen 7,3 teńgeni quraidy, bul JMQS jelisindegi otyn qunyna áser etedi" delingen "QazMunaiGaz Ónimderi" JShS habarlamasynda.
