Sailaý naýqanynda «Aýyl» halyqtyq-demokratiialyq patriottyq partiiasy naqty usynystardy alǵa tartatyn bolady. Buǵan 120 myńnan astam respondent qatysatyn «El amanaty» jalpyulttyq saýalnamasy negiz bolady. Bul týraly «Aýyl» halyqtyq-demokratiialyq patriottyq partiiasy saiasi keńesiniń otyrysynda partiia tóraǵasy Áli Bektaev aitty, dep habarlaidy QazAqparat.
«Koronavirýs indeti kezinde adamdar qymbat kólik pen dúnie-múliktiń qajeti joq ekenin túsindi. Agroónerkásip kesheni, azyq-túlik, óndiristik qaýipsizdik aldyńǵy orynǵa shyqty. Adamdarǵa eń aldymen qaýipsiz, taza azyq-túlik kerek. Agroónerkásip kesheni ǵana elimizdiń azyq-túlik qaýipsizdigin qamtamasyz ete alady. «Aýyl» partiiasy sailaýǵa qatysýy kerek, sebebi bul - agrarlyq máseleler, aýyl turǵyndaryna qatysty problemalardy sheshýge atsalysyp júrgen jalǵyz partiia. Ózimiz jinaǵan tájiribe bar. Aýyl sharýashylyǵyna qatysty sheshimi tabylmaǵan kóp másele bar ekeni belgili», - deidi partiia tóraǵasy Áli Bektaev.
Onyń aitýynsha, sailaýaldy úgit-nasihat naýqanynda bul partiia naqty is júzinde usynystar aitady.
«Eger bizdiń adamdar Parlament jáne máslihatta bolsa, bul máselelerdi qandai jolmen kóterýge bolatynyn bilemiz. Sol sebepti sailaýaldy naýqanda biz naqty usynystar aitamyz. Buǵan 120 myńnan astam respondent qatysatyn «El amanaty» jalpyulttyq saýalnamasy negiz bolady», - deidi ol.
