Otandyq aýylsharýashylyq tehnikasyn óndirýshi «AGROMASH» zaýyty shyǵyndy óz moinyna alyp, qazaqstandyq fermerlerdi qoldaý maqsatynda baǵany tómendetýge sheshim qabyldady. Kompaniia bylai dep túiindedi: «Biz bir elde turamyz jáne jumys isteimiz, eger biz óndirýshiler osyndai qiyn ýaqytta kómek kórsetpesek kim kómektesedi».
Aýyl sharýashylyǵyndaǵy ótken qiyn maýsym men biylǵy sý tasqynynyń saldary egis naýqany qarsańynda aýyl sharýashylyǵy taýaryn óndirýshilerdiń jaǵdaiyn qiyndatyp otyr. Óndirýshiler atap ótkendei, olardyń aldynda turǵan mańyzdy mindet – Qazaqstanda jasalǵan senimdi jáne qoljetimdi tehnikany usyný arqyly fermerlerge sońǵy jyldardaǵy qiyndyqtardy jeńýge kómektesý.
«Búgingi tańda kóptegen sharýashylyqtar sý tasqyny saldarynan qiyn jaǵdaiǵa tap bolǵan qazaqstandyq fermerlerge barynsha kómektesý mańyzdy ekenin túsinemiz. Tabiǵat apatynan góri halyqtyń birligi áldeqaida kúshti. Biz otandyq óndirýshi retinde shette qala almaimyz, sondyqtan kompaniianyń seriktes brend ieleri «Gomselmash» AAQ jáne «Weichai Lovol Intelligent Agricultural Technology Co., Ltd» birge shyǵyndardyń bir bóligin alyp, tehnika baǵasyn tómendetý týraly sheshim qabyldady. Sonymen qatar, osy sheshimge bailanysty bizdiń zaýyt biyl investitsiialyq shyǵyndardy qysqartyp otyr», - dedi kommertsiialyq direktor Nikolai Parhomenko.
«QazAgroQarjy» kompaniiasynyń qoldaýymen fermerler úshin qiyn kezeńde zaýyt ESSIL jáne LOVOL kombaindarynyń baǵasyn 15%-ǵa tómendetedi.
Baǵdarlama 19 sáýirde bastalady. Barlyq suraqtar boiynsha Qazaqstannyń aýylsharýashylyq taýar óndirýshileri óz aimaqtaryndaǵy AGROMASH zaýytynyń filialdary men «QazAgroQarjy» kompaniiasyna habarlasa alady.
