Aqtóbe oblystyq qylmystyq ister jónindegi mamandandyrylǵan aýdanaralyq sotynda Erkin Izbasar bastaǵan qylmystyq topqa sot úkim shyǵardy, dep habarlaidy QazAqparat tilshisi.
Aqtóbe oblystyq qylmystyq ister jónindegi mamandandyrylǵan aýdanaralyq sotynda Erkin Izbasar bastaǵan qylmystyq topqa qatysty qylmystyq is ótken jyly bastaldy. Qylmystyq is munai urlyǵy, uiymdasqan qylmystyq top qurdy, munaidy zańsyz tasymaldaý men satý, reiderlik jolmen biznesti tartyp alý baptary boiynsha qozǵalyp, sot protsesi jarty jyldan astam ýaqytqa sozyldy. Sotta Erkin Izbasar men onyń kómekshisi sanalǵan Aýhat Qalievti ustaý operatsiiasy men tintý júrgizýi kórsetildi.
Is materialyna súiensek, munai «SNPS-Aqtóbemunaigaz» AQ men «Saǵyz Petroleým» JShS-niń birneshe uńǵymasynan urlanǵan. Iri munai kompaniialary sot otyrysy kezinde shyǵyndy óndirýdi talap etti. Al sottalýshylar shyǵyndy qaita esepteýdi surady.
Sot otyrysy kezinde sottalýshylardyń biri óz kinásin moiyndady.
Al búgin oblystyq qylmystyq ister jónindegi mamandandyrylǵan aýdanaralyq sotynda sot úkimi shyqty.
Aita keteiik, is boiynsha barlyǵy 26 aiyptalýshy bar. Sot úkimimen Erkin Izbasar 12 jylǵa sottalyp, qylmyspen tapqan múlki tárkilendi. Al onyń janynda júrgen Aýhat Qaliev 11 jylǵa, sol jyldary oblystyq IID bastyǵynyń orynbasary qyzmetin atqarǵan Rahat Ahanov 5 jyl 3 aiǵa sottaldy. Burynǵy politsiia qyzmetkeri ómir boiy quqyq qorǵaý organdarynda jumys istei almaidy, politsiia polkovnigi sheninen aiyryldy. Sottalýshy Adaibek Sársenov 3 jylǵa, Nurbolat Qaiyrbaev 3 jylǵa, Aibek Tileýǵaziev 2 jylǵa, Muhanbet Shavletov 3 jylǵa, Bolatbek Beketov 8 jylǵa, Jandos Aqmaǵambetov 3 jylǵa, Jangeldi Ótegenov 3 jyl 9 aiǵa, Rýslan Dermuhanov 3 jyl 9 aiǵa, Bekjan Qultaev 3 jyl 9 aiǵa, Nurlan Noǵaev 8 jylǵa, Saiasat Dúsipov 3 jylǵa, Súleimen Súgirbaev 5 jylǵa, Murat Turjanov 8 jylǵa sottalyp, 8 jylǵa basshylyq qyzmet atqara almaidy. Sergei Savchenko 3 jylǵa, Birjan Amanqulov 11 jylǵa, Erbol Tektiǵulov 4 jyl 6 aiǵa, Qaiyrkeldi Izturǵanov 6 jylǵa, Nurlybek Tontaev 7 jylǵa, Janat Tektiǵulov 3 jyl 9 aiǵa, Kádirjan Pangereiuly 7 jylǵa, Murat Qýanyshev 3 jyl 9 aiǵa, Qartjan Qaldymurat 11 jylǵa bas bostandyǵynan aiyryldy. Al Amandos Esenǵaliev qylmystyq jaýapkershilikten bosatyldy.
