اقتٶبە وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا ەركٸن ٸزباسار باستاعان قىلمىستىق توپقا سوت ٷكٸم شىعاردى, دەپ حابارلايدى قازاقپارات تٸلشٸسٸ.
اقتٶبە وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا ەركٸن ٸزباسار باستاعان قىلمىستىق توپقا قاتىستى قىلمىستىق ٸس ٶتكەن جىلى باستالدى. قىلمىستىق ٸس مۇناي ۇرلىعى, ۇيىمداسقان قىلمىستىق توپ قۇردى, مۇنايدى زاڭسىز تاسىمالداۋ مەن ساتۋ, رەيدەرلٸك جولمەن بيزنەستٸ تارتىپ الۋ باپتارى بويىنشا قوزعالىپ, سوت پروتسەسٸ جارتى جىلدان استام ۋاقىتقا سوزىلدى. سوتتا ەركٸن ٸزباسار مەن ونىڭ كٶمەكشٸسٸ سانالعان اۋحات قاليەۆتٸ ۇستاۋ وپەراتسيياسى مەن تٸنتۋ جٷرگٸزۋٸ كٶرسەتٸلدٸ.
ٸس ماتەريالىنا سٷيەنسەك, مۇناي «سنپس-اقتٶبەمۇنايگاز» اق مەن «ساعىز پەترولەۋم» جشس-نٸڭ بٸرنەشە ۇڭعىماسىنان ۇرلانعان. ٸرٸ مۇناي كومپانييالارى سوت وتىرىسى كەزٸندە شىعىندى ٶندٸرۋدٸ تالاپ ەتتٸ. ال سوتتالۋشىلار شىعىندى قايتا ەسەپتەۋدٸ سۇرادى.
سوت وتىرىسى كەزٸندە سوتتالۋشىلاردىڭ بٸرٸ ٶز كٸنەسٸن مويىندادى.
ال بٷگٸن وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا سوت ٷكٸمٸ شىقتى.
ايتا كەتەيٸك, ٸس بويىنشا بارلىعى 26 ايىپتالۋشى بار. سوت ٷكٸمٸمەن ەركٸن ٸزباسار 12 جىلعا سوتتالىپ, قىلمىسپەن تاپقان مٷلكٸ تەركٸلەندٸ. ال ونىڭ جانىندا جٷرگەن اۋحات قاليەۆ 11 جىلعا, سول جىلدارى وبلىستىق ٸٸد باستىعىنىڭ ورىنباسارى قىزمەتٸن اتقارعان راحات احانوۆ 5 جىل 3 ايعا سوتتالدى. بۇرىنعى پوليتسييا قىزمەتكەرٸ ٶمٸر بويى قۇقىق قورعاۋ ورگاندارىندا جۇمىس ٸستەي المايدى, پوليتسييا پولكوۆنيگٸ شەنٸنەن ايىرىلدى. سوتتالۋشى ادايبەك سەرسەنوۆ 3 جىلعا, نۇربولات قايىرباەۆ 3 جىلعا, ايبەك تٸلەۋعازيەۆ 2 جىلعا, مۇحانبەت شاۆلەتوۆ 3 جىلعا, بولاتبەك بەكەتوۆ 8 جىلعا, جاندوس اقماعامبەتوۆ 3 جىلعا, جانگەلدٸ ٶتەگەنوۆ 3 جىل 9 ايعا, رۋسلان دەرمۇحانوۆ 3 جىل 9 ايعا, بەكجان قۇلتاەۆ 3 جىل 9 ايعا, نۇرلان نوعاەۆ 8 جىلعا, ساياسات دٷسٸپوۆ 3 جىلعا, سٷلەيمەن سٷگٸرباەۆ 5 جىلعا, مۇرات تۇرجانوۆ 8 جىلعا سوتتالىپ, 8 جىلعا باسشىلىق قىزمەت اتقارا المايدى. سەرگەي ساۆچەنكو 3 جىلعا, بٸرجان امانقۇلوۆ 11 جىلعا, ەربول تەكتٸعۇلوۆ 4 جىل 6 ايعا, قايىركەلدٸ ٸزتۇرعانوۆ 6 جىلعا, نۇرلىبەك تونتاەۆ 7 جىلعا, جانات تەكتٸعۇلوۆ 3 جىل 9 ايعا, كەدٸرجان پانگەرەيۇلى 7 جىلعا, مۇرات قۋانىشەۆ 3 جىل 9 ايعا, قارتجان قالدىمۇرات 11 جىلعا باس بوستاندىعىنان ايىرىلدى. ال اماندوس ەسەنعاليەۆ قىلمىستىق جاۋاپكەرشٸلٸكتەن بوساتىلدى.
