Ulttyq testileý ortalyǵy aǵasy inisiniń ornyna UBT tapsyrmaq bolǵanyn málimdedi, - dep habarlaidy Tengrinews.kz agenttigi.
"Biylǵy UBT "Bir testileýshi - bir kompiýter - eki kamera" printsipi boiynsha ótti. Bir kamera talapkerdi test tapsyrý barysyn qadaǵalasa, ekinshi kamera sol adamnyń ózi otyrǵan-otyrmaǵanyn belgilengen ýaqyttyń ishinde sýretke túsirip, tirkeidi. Testileýdiń basynan aiaǵyna deiin bir adam otyrǵanyn baqylaidy.
Biz test tapsyrý barysynda test tapsyrýshynyń ornyna basqa adam kirgen birneshe oqiǵany anyqtadyq. Solardyń biri - aǵasy inisiniń ornyna UBT tapsyrýǵa tyrysqan. Biraq biometrika, kire beristegi bet-álpetti taný júiesi arqasynda buǵan jol berilmedi. Tiisti sharalar qabyldandy", - dedi Ulttyq testileý ortalyǵynyń direktory Rýslan Emelbaev Ortalyq kommýnikatsiialar qyzmetinde ótken brifingte.
Sonymen qatar, testileý ortalyǵynyń direktory jalpy UBT kezinde tyiym salynǵan zattardy alyp júrý áreketteri jáne ereje buzý derekteri azaiǵanyn aitty.
"2021 jyly UBT-ǵa tyiym salynǵan zattardy ákelýge 756 áreket jasalsa, biyl mundai 327 oqiǵa tirkeldi. Bul kórsetkish 2022 jyly mundai qatysýshylardy testileýge jibermeý týraly erejeniń engizilýine bailanysty azaidy.
Mysaly, 2019 jyly kireberisten 128 000 tyiym salynǵan zat tabyldy. Biyl 2019 jylmen salystyrǵanda paraq pen smartfon alyp júrýdi qalaityndar sany azaidy", - dedi ol.
