Almatyda qatty daýyl aǵashtardy qulatyp, birqatar ǵimaratyń shatyryn ushyryp áketken, dep habarlaidy QazAqparat.
Daýyl saldaryn joiý jumystaryn aýdandyq ákimdikterdiń merdiger uiymdary men Almaty qalasynyń qutqarý qyzmeti júrgizýde.
«112» jelisine qulaǵan aǵashtar, ǵimarat shatyrlaryn ushyryp áketý, turǵyn úi aýlalaryn sý basý deregi boiynsha 43 habarlama tirkeldi. Jedel járdem qyzmetiniń málimeti boiynsha 2 adam jeńil dene jaraqatyn alǵan. Qazirgi ýaqytta olardyń ómiri men densaýlyǵyna qaýip tónip turǵan joq, dárigerler tekserip úilerine jiberdi.
Saǵat 22.00-degi málimette:
- avtokólikke qulaǵan aǵashtar boiynsha – 25 oqiǵa;
- jeke turǵyn úilerdiń, kópqabatty, ákimshilik ǵimarat shatyrlarynyń buzylýy – 13 jaǵdai tirkelgen. TJ saldaryn nysan ieleri óz betimen joiýda. Budan bólek, kópqabatty úilerdiń syrtqy qaptaýlary túsip (2 oqiǵa), sý basý qaýpi týyndaǵan. T rolleibýs jelisi de úzilgen.
«Tabiǵi sipattaǵy zardaptardy joiýǵa Tótenshe jaǵdailar departamentinen – 27 qyzmetker, 11 tehnika, 3 motopompa, ákimdikterdiń merdigerlik uiymdary jáne «109» qutqarý qyzmetinen – 127 adam men 57 birlik tehnika jumyldyryldy», - dep habarlady vedomstvodan.
