Afrika elderiniń jetekshileri "Tramptyń Taiaý Shyǵys jospary" dep atalyp ketken AQSh prezidentiniń bastamasyn synǵa aldy. Jeksenbi, 9 aqpanda Efiopiia astanasy Addis-Abebada Afrikadaǵy 40-qa jýyq el basshylary men úkimet jetekshileriniń 33-sammiti ótti. Deutsche Welle aqparat quralynyń habarlaýynsha, jiynǵa 16 eldiń ministrleri de qatysqan.
Afrika odaǵy komissiiasynyń jetekshisi Musa Faki Mahamattyń málimdeýinshe, usynylǵan jospar BUU-nyń kóptegen rezoliýtsiialaryn buzady jáne halyqaralyq keńes eskerýinsiz jáne palestin halqynyń quqyǵy nazarǵa alynbai jasalǵan. Afrika odaǵynyń jańa tóraǵasy, Ońtústik Afrika respýblikasynyń prezidenti Kirill Ramafosa AQSh prezidenti Donald Tramptyń beibit josparynyń oryndalý mehanizimin Ońtústik Afrikadaǵy aparteid júiesimen salystyrdy.
Ierýsalimdi Izraildiń "bólinbeitin astanasy" degen Donald Tramp qańtardyń aiaǵynda Shyǵys Ierýsalimde palestina eliniń astanasyn ornalastyrý jaily usynysyn jariialaǵan.
Izrail premer-ministri Biniamin Netaniahý kei usynystardyń "júzege asyrylýy ábden múmkin" ekenin málimdegen. Palestina jetekshileri ol usynystan úzildi-kesildi bas tartyp, AQSh pen Izarilmen qarym-qatynasyn úzetinin málimdedi. Halyqaralyq kelisimderge silteme jasaǵan Eýropa odaǵy da "Tramp josparyn" synǵa aldy.
