Foto: kaznu.kz
«Qazaqstandyq atom elektr stantsiialary» JShS bas direktory Timýr Jantikin elimizde AES salýǵa qansha qarajat jumsalýy múmkin ekenin aitty, dep habarlaidy Kazinform agenttigi.
«AES jobasyna qujattar shamamen 5 jyl ázirlenedi. Óitkeni, birinshi kezeńde tehnikalyq-ekonomikalyq negizdemeni ázirleýge 1,5-2 jyl kerek. Sodan keiin Úkimet AES salý týraly oń sheshim qabyldasa, jobalaý-smetalyq qujattama ázirlenedi. Oǵan da ýaqyt kerek. AES shamamen 5 jylda salynady, iaǵni atom elektr stantsiiasyn 2035 jyly iske qosamyz dep oilaimyz», - dedi Jantikin elordada ótken «Beibit atom» taqyrybyndaǵy respýblikalyq seminarda.
Onyń sózine qaraǵanda, elimizdiń elektr energetikasyn damytý baǵdarlamasy men qajet atom blogy sanyna qatysty tujyrymdama ázirleý kerek. Osyny negizge alyp, Qazaqstannyń elektr energetikasyn damytý baǵdarlamasy daiyndalady.
«Birinshi stantsiia 10-15 mlrd dollar bolýy múmkin. Sebebi, ol – alǵashqy stantsiia. Qazir qarjylandyrý kózi pysyqtalyp jatyr. Bul – negizinen halyqaralyq qarjy institýttary. Joba ázirge kommertsiialyq tártipte qaralyp jatyr, iaǵni memleket oǵan aralaspaidy. Sondyqtan onda tiisti sharttar eskerilgen», - dedi Timýr Jantikin.
Aita keteiik, biyl jazda Energetika ministrligi eki energiia blogynan turatyn stantsiia salýǵa shamamen 12 mlrd AQSh dollary kerek ekenin málimdegen edi.
