© Pixabay / Markus Distelrath
Energetika ministri Almasadam Sátqaliev Qazaqstanǵa AES salýdan úmitti eki amerikalyq kompaniianyń usynysyn pysyqtap jatqandaryn aitty, dep habarlaidy Kazinform.
Májilistiń jalpy otyrysynan keiin BAQ ókilderiniń saýalyna jaýap bergen ministr Resei Federatsiiasynyń Prezidenti Vladimir Pýtinniń «Kazahstanskaia pravda» gazetine bergen suhbatyndaǵy jaýapqa qatysty pikir bildirdi.
«Rosatom» kompaniiasy – vendorlerdiń biri. «Rosatom» kompaniiasynan bólek frantsiialyq IDF, Ońtústik Koreia men Qytai Halyq Respýblikasynyń kompaniiasy bar ekenin bilesizder. Sondai-aq biz amerikalyq General Electric, NuScale kompaniialarynyń usynystaryn qosymsha qarastyryp jatyrmyz. Iaǵni, shaǵyn modýldi reaktorlar ornatý tehnologiiasyn zerttep jatyrmyz. Buǵan deiin aitqanymdai, sheshim referendýmnan keiin belgili bolady», - dedi Almasadam Sátqaliev.
Ministr vedomstvo bul jumystyń bárinen ýaqytyly málimet taratyp otyratynyn aitty.
«Qazirgi tańda ministrlik referendýmǵa daiyndyqpen ainalysyp jatyr. Sonyń aiasynda óz sarapshylarymyzdy usynyp, halyqpen kezdesetin toptarǵa bazalyq málimetterdi berdik», - dedi Energetika ministri.
