Qazaqstanda atom elektr stantsiiasy qurylysynyń aspektilerin zertteý jumystary jyl sońyna deiin jalǵasady. Bul týraly QR Energetika ministri Bolat Aqsholaqov málim etti, dep habarlaidy QazAqparat.
«Jaqynda bul taqyryp boiynsha aitqan edim, iaǵni bul baǵyttaǵy jumystardy biraz pysyqtaý kerek. Sondyqtan osy jumystar kem degende jyl sońyna deiin jalǵasady», - dedi Aqsholaqov elordada munai-gaz mashina jasaý salasyn damytýǵa arnalǵan forýmda tilshiler saýalyna jaýap bere otyryp.
Sonymen qatar tilshiler ministrden Túrkiiadaǵy AES-tiń qurylysyn zertteýdiń mán-jaiy týraly surady.
«Bul stantsiia áli salynyp bitpegenin eskere otyryp, oǵan qatysty zertteý júrgizý qiyndaý bolar. Jalpy, biz bul jobanyń qanshalyqty aýqymdy ekenin qaradyq», - dedi vedomstvo basshysy.
«Joba «Rosatomnyń» qatysýymen júzege asyrylyp jatyr. Bul turǵyda osyndai aýqymdy qurylys kezindegi lokalizatsiia máseleleri, aralas óndiristerdi jetildirý jergilikti qamtýdy damytýda eleýli múmkindikter jasaidy», - dedi Aqsholaqov.
