Foto: "InformBiýro | Novosti" YouTube arnasy
Balqash jaǵasyndaǵy Úlken aýylynda jańa elektr stantsiiasy salynýy múmkin. Ol nysan kómirmen jumys isteidi, dep habarlaidy Sputnik Qazaqstan.
"Samuryq-Qazyna" AQ basqarma tóraǵasy Qairat Maqsutovtyń aitýynsha, qazirgi kezde eki jer qaralyp jatyr. Jańa stantsiia Úlken aýylynda, ia bolmasa, Ekibastuzda salynýy múmkin.
"Jańa elektr stantsiiasy - GRES-3 kómirmen jumys isteidi degen jospar bar. Qýaty 1320 Megavatqa deiin bolady. Qazirgi kezde aldyn ala tehnikalyq-ekonomikalyq negizdeme boiynsha kelisimshart jasaldy. Kelesi jyly naýryz aiynda daiyn bolady. Jańa stantsiianyń qurylysy úshin eki jer – Úlken men Ekibastuz qarastyrylyp jatyr", - dedi Maqsutov qoǵamdyq keńestiń otyrysynda.
Al "KEGOC" AQ basqarma tóraǵasy Nábi Aitjanov Balqash jaqta AES-tan buryn kómirmen jumys isteitin stantsiiany salýdyń sebebin túsindirdi.
"AES salynsa, ony tek 2032-2034 jyldary ǵana bitiredi. Oǵan deiin barlyq júieni rettep otyrý kerek. Odan bólek energiia tapshylyǵy, atap aitqanda, Ortalyq Aziiada elektr energiianyń jetispeýshiligi boiynsha úlken qaýip bar. Osy máseleni sheshý úshin qazirdiń ózinde turaqty qýat kózi kerek, qysqa ýaqyttyń ishinde kerek", - dep túsindirdi Aitjanov.
Onyń aitýynsha, aldyn ala tehnikalyq-ekonomikalyq negizdeme daiyn bolǵanda jańa stantsiianyń qurylysyna shuǵyl kirisý kerek.
