فوتو: "ينفورمبيۋرو | نوۆوستي" YouTube ارناسى
بالقاش جاعاسىنداعى ٷلكەن اۋىلىندا جاڭا ەلەكتر ستانتسيياسى سالىنۋى مٷمكٸن. ول نىسان كٶمٸرمەن جۇمىس ٸستەيدٸ, دەپ حابارلايدى Sputnik قازاقستان.
"سامۇرىق-قازىنا" اق باسقارما تٶراعاسى قايرات ماقسۇتوۆتىڭ ايتۋىنشا, قازٸرگٸ كەزدە ەكٸ جەر قارالىپ جاتىر. جاڭا ستانتسييا ٷلكەن اۋىلىندا, يا بولماسا, ەكٸباستۇزدا سالىنۋى مٷمكٸن.
"جاڭا ەلەكتر ستانتسيياسى - گرەس-3 كٶمٸرمەن جۇمىس ٸستەيدٸ دەگەن جوسپار بار. قۋاتى 1320 مەگاۆاتقا دەيٸن بولادى. قازٸرگٸ كەزدە الدىن الا تەحنيكالىق-ەكونوميكالىق نەگٸزدەمە بويىنشا كەلٸسٸمشارت جاسالدى. كەلەسٸ جىلى ناۋرىز ايىندا دايىن بولادى. جاڭا ستانتسييانىڭ قۇرىلىسى ٷشٸن ەكٸ جەر – ٷلكەن مەن ەكٸباستۇز قاراستىرىلىپ جاتىر", - دەدٸ ماقسۇتوۆ قوعامدىق كەڭەستٸڭ وتىرىسىندا.
ال "KEGOC" اق باسقارما تٶراعاسى نەبي ايتجانوۆ بالقاش جاقتا اەس-تان بۇرىن كٶمٸرمەن جۇمىس ٸستەيتٸن ستانتسييانى سالۋدىڭ سەبەبٸن تٷسٸندٸردٸ.
"اەس سالىنسا, ونى تەك 2032-2034 جىلدارى عانا بٸتٸرەدٸ. وعان دەيٸن بارلىق جٷيەنٸ رەتتەپ وتىرۋ كەرەك. ودان بٶلەك ەنەرگييا تاپشىلىعى, اتاپ ايتقاندا, ورتالىق ازييادا ەلەكتر ەنەرگييانىڭ جەتٸسپەۋشٸلٸگٸ بويىنشا ٷلكەن قاۋٸپ بار. وسى مەسەلەنٸ شەشۋ ٷشٸن قازٸردٸڭ ٶزٸندە تۇراقتى قۋات كٶزٸ كەرەك, قىسقا ۋاقىتتىڭ ٸشٸندە كەرەك", - دەپ تٷسٸندٸردٸ ايتجانوۆ.
ونىڭ ايتۋىنشا, الدىن الا تەحنيكالىق-ەكونوميكالىق نەگٸزدەمە دايىن بولعاندا جاڭا ستانتسييانىڭ قۇرىلىسىنا شۇعىل كٸرٸسۋ كەرەك.
