Foto: Pixabay
Qazaqstan úkimeti eldegi alǵashqy atom elektr stantsiiasy salynatyn oryndy resmi túrde bekitti. Bul týraly normativtik-quqyqtyq aktiler bazasynda jariialanǵan qaýlyda kórsetilgen, dep habarlaidy Ult.kz.
«Almaty oblysynyń Jambyl aýdanynda „Atom elektr stantsiiasy“ iadrolyq qondyrǵysyn salý týraly sheshim qabyldansyn», — delingen qujatta.
Qaýly 2024 jylǵy 30 jeltoqsanda qabyldanyp, oǵan premer-ministr Oljas Bektenov qol qoiǵan. Alaida qujat búginnen bastap, resmi jariialanǵan kúnnen bastap zańdy kúshine enedi.
8 qańtarda prezident Qasym-Jomart Toqaev úkimetke eldegi alǵashqy atom elektr stantsiiasynyń qurylysyn jedeldetýdi usyndy.
