Keshe, 10 sáýirde Qyzylorda oblystyq IID uiymdasqan qylmystyq topqa qarsy kúres basqarmasynyń qyzmetkerleri Almaty oblysynda Qyzylorda qalasynyń turǵyny Ádilet Serikbaevty ustady. Politsiia málimeti boiynsha, ol - "Ádón" laqap atymen belgili uiymdasqan qylmystyq top múshesi. Bul týraly IIM resmi ókili Almas Sádýbaev brifing barysynda aitty, - dep habarlaidy Tengrinews.kz tilshisi.
Sondai-aq, Sádýbaev basqa da oblystarda bolǵan qylmystar boiynsha esep berdi.
"Ońtústik Qazaqstan oblysy IID kriminaldyq politsiia qyzmetkerleri bir táýlik ishinde 9 sáýirde Saryaǵash qalasynda kisi óltirdi dep kúdikke ilingen adamdy ustady. Ol kinásin moiyndady", - dedi Almas Sádýbaev.
Munymen qatar, brifing barysynda elordalyq politseiler gúl satatyn dúkenderge az ýaqyt ishinde birneshe ret qaraqshylyq shabýyl jasaǵan jergilikti kúdikti ustalyp, ýaqytsha qamaý izoliatoryna qamalǵany da aityldy.
Almaty qalasynda da qaraqshylyq shabýyl jasaǵan Almaty oblysynyń eki turǵyny kúdikke ilinip, Taldyqorǵan qalasynda ustalǵan.
