Ádilethan Moldahannyń sotynda jýrnalister otyrǵan kabinettiń esigin jaýyp qoiǵan, dep habarlaidy ult.kz.
Bul týraly jýrnalist Rýslan Ótepbai aitty.
“Almaly aýdanaralyq sotynyń qyzmetkerleri jýrnalisterdiń quqyǵyn shektep, bizdi sot ǵimaratynan shyǵarmai, kásibi qyzmetimizge kedergi keltirdi.
Bul jaǵdai keshe de bolǵan, búgin taǵy qaitalandy.
Bizdińshe, munyń maqsaty- jýrnalisterdiń Ádilethannan suhbat alýyna múmkindik bermeý.
Eger sot qyzmetkerleri zań buzsa, olardy kim jaýapqa tartady?”, - dep jazdy jýrnalist.
Búgin bloger, zańger Ádilethan Moldahanǵa úkim shyǵady.
Ádilethan Moldahan — qazaqstandyq zańger, bloger jáne burynǵy politsiia qyzmetkeri. Ol áleýmettik jelilerde jol qozǵalysy erejeleri, quqyqtyq máseleler jáne qoǵamdaǵy rezonansty oqiǵalarǵa qatysty pikirlerimen tanyldy. Sondai-aq túrli quqyqtyq keńester berip, qoǵamdyq talqylaýlarǵa jii qatysyp júrdi.
2026 jyldyń naýryz aiynyń sońynda ol Almatydaǵy ólimmen aiaqtalǵan jol-kólik oqiǵasyna qatysty áleýmettik jelide jariialaǵan málimetterinen keiin ustaldy. Keiin oǵan Qazaqstan Respýblikasy Qylmystyq kodeksiniń 274-babynyń 2-bóligi 3-tarmaǵy boiynsha («kórineý jalǵan aqparat taratý») aiyp taǵyldy. Is boiynsha jábirlenýshi retinde Almaty qalalyq politsiia departamentiniń burynǵy basshylyǵynyń eki ókili tanylǵan.
2026 jylǵy maýsymda Almaly aýdandyq sotynda ótken sot protsesi kezinde Ádilethan Moldahan ózine taǵylǵan aiypty moiyndaitynyn málimdegeni habarlandy. Al sottan keiin jasaǵan málimdemesinde «tek shyndyqty aitqanyn» jetkizgen.
