Ádilet organdarynda sybailas jemqorlyq 67 paiyzǵa azaidy. Bul týraly QR Ádilet ministrliginiń apparat basshysynyń mindetin atqarýshy Asqar Úmbetáliev aitty, dep habarlaidy QazAqparat.
«2020 jyly faktorlyq-baldyq shkala boiynsha ilki joba barlyq aýmaqtyq ádilet organdarynda qosymsha qarjylandyrýsyz óz qarajattary esebinen engizildi. Joba nátijeli ótýde. Qyzmetkerlerdiń eńbekaqysy orta eseppen 60 paiyzǵa deiin ósti. Máselen, bas sarapshy FBSh engizilgenge deiin 130 myń teńge, al shkala engizilgennen keiin - 207,5 myń teńge aldy. Ádilet organdary boiynsha qyzmetkerlerdiń taza aýysymdylyǵy 2019 jylmen salystyrǵanda 43 paiyzǵa deiin qysqarǵany baiqalady», - dedi ol ministrliktiń keńeitilgen alqa otyrysynda.
Onyń dereginshe, Prezidenttik jastar kadrlyq rezervinen 3 qyzmetkerdiń laýazymy joǵarylady. Ministrlikte «Bolashaq» Prezidenttik baǵdarlamasynyń 57 túlegi jáne Memlekettik basqarý akademiiasynyń 26 túlegi qyzmet etedi. «Bolashaq» baǵdarlamasy boiynsha - 20 jáne Memlekttik basqarý akademiiasynda 6 qyzmetker oqidy. Qyzmettik mindetterin tiimdi oryndaǵan 36 qyzmetker mansaby boiynsha sarapshydan bas sarapshyǵa, bas sarapshydan bólim basshysyna, bólim basshysynan direktordyń orynbasaryna joǵarylatyldy.
«Sybailas jemqorlyq quqyq buzýshylyq 67 paiyzǵa azaidy. Ministrlikte 2019 jyldyń shildesinen «ADALDYQ ALANY» jobalyq ofisi tabysty jumys isteidi. Ofis kúndelikti sybailas jemqorlyqty joiýǵa jáne azamattardyń memlekettik bilik institýttaryna degen senim deńgeiin arttyrýǵa baǵyttalǵan is-sharalar ótkizedi. Jobalyq ofistiń iske asyrylýynyń jaǵymdy jaqtaryn eskere otyryp, ministrlik 2020 jyly aýmaqtyq ádilet organdarynda óńirlik ofisterin ashty», - dedi Asqar Úmbetáliev.
