2020 jyly 177 myńnan astam sot saraptamasy júrgizildi. Bul týraly QR Ádilet vitse-ministri Azamat Ámirǵaliev aitty, dep habarlaidy QazAqparat.
«2020 jyly 177 myńnan astam sot saraptamasy júrgizildi. Aqyly qyzmetter boiynsha tabys 475 mln teńgeni qurady. Ol 2019 jylmen salystyrǵanda 81 mln teńgege nemese 20,8 paiyzǵa artyq», - dedi ol ministrliktiń keńeitilgen alqa otyrysynda.
Vitse-ministrdiń aitýynsha, 319 sot sarapshysynyń biliktilikti arttyrý, onyń ishinde virtýaldyq aýtopsiia jáne kompiýterlik tehnologiialar siiaqty saraptamanyń jańa túrleri boiynsha kýrsy uiymdastyryldy. Sot-saraptamalyq zertteýlerdiń 15 jańa ádistemesi ázirlendi. Jańa kásibi standarttar bekitildi. Saraptama sapasyn baqylaý jáne baǵalaý mehanizmi jetildirildi. Ortalyqtyń 3 filialyna akkreditatsiia júrgizildi. Akkreditatsiialaýǵa taǵy 6 filial daiyndaldy.
«Sarapshylardyń eńbekaqysyn kóbeitý máselesi pysyqtaldy. Jeltoqsan aiynda meditsinalyq sot sarapshylarynyń eńbekaqysyn jumys berýshiniń qarajaty esebinen 30 paiyzdan 45 paiyzǵa deiin, zeinetaqy jarnasyn 5 paiyzǵa kóbeitýdi kózdeitin Úkimet qaýlysy qabyldandy», - dedi Azamat Ámirǵaliev.
