Satylýda turǵan tyiym salynǵan múlik týraly málimet tek elektrondy satý alańynda ǵana emes, múlik satýǵa arnalǵan internet-resýrstarda ornalastyrylady.
Bul týraly QR Ádilet ministri Marat Beketaev málim etti, dep habarlaidy QazAqparat.
«Avtomattandyrýdyń taǵy bir artyqshylyǵy – endi sot oryndaýshy óziniń jeke virtýaldy kabineti arqyly barlyq atqarýshylyq áreketterdi jasai alady. Bul memlekettik organdardyń 58 aqparattyq júiesimen biriktirý nátijesinde múmkin boldy», - dedi M. Beketaev Parlament Májilisindegi Úkmet saǵatynda.
Osy oraida Bas prokýratýranyń - «Quqyq qorǵaý jáne arnaiy organdardyń aqparattyq almasý júiesi»; Joǵarǵy Sottyń - «Tórelik» júiesi; Ulttyq qaýipsizdik komitetiniń - «Búrkit» júiesi; Ishki ister ministrliginiń - «Baqylaý» júiesi; Qarjy ministrliginiń - «Elektrondyq memlekettik satyp alý» júiesi; Tsifrlyq damý ministrliginiń - «E-gov» portaly qamtylǵan.
«Sonymen qatar, birqatar ekinshi deńgeili bankterdiń aqparattyq júielerimen biriktirý júrgizildi, iaǵni jiyrma jeti bankten on tórt bank. Halyqqa yńǵaily bolýy úshin júiede kassalyq qyzmetter men «Qazposhta», «Kaspi Bank» terminaldary arqyly qaryz tóleý múmkindigi usynyldy. Elimizde eki júzden astam terminal ornatyldy. Atalǵan qyzmetti shamamen júz million teńge somasyna tórt myńnan astam boryshker paidalandy. Buǵan qosa, bereshekti post.kz jáne kaspi.kz mobildi qosymshalary arqyly tóleýge bolady. Búginde alpys toǵyz myń boryshker bir milliard teńgeden astam somadaǵy qaryzyn osy qosymshalar arqyly tólegen. Halyqqa bul yńǵaily jáne ýaqytty únemdeýge múmkindik beredi. Barlyq bankterdi osyndai qyzmetterdi uiymdastyrýǵa shaqyramyn», - dep túsindirdi vedomstvo basshysy.
Onyń aitýynsha, keleshekte azamattarǵa burynǵydai sot oryndaýshyǵa tólem týraly túbirtekti kórsetýdiń esh qajeti bolmaidy. Tólemdi onlain júzege asyrǵannan keiin barlyq shekteýler, sonyń ishinde elden syrtqa shyǵýǵa shekteý avtomatty túrde sheshiledi. Halyqqa boryshkerlerdiń biryńǵai tizimine jáne shyǵýǵa shekteý tizimine qoljetimdilik qamtamasyz etilgen. Ózara bailanys úshin atqarýshylyq is júrgizý taraptarynyń kabineti jumys isteidi. Azamattar men zańdy tulǵalardy olardyń mindettemeleri týraly ýaqytyly ári tiimdi habarlandyrý úshin «SMS–habarlama» servisi quryldy.
«Endi mobildi telefon nómerlerine isti qozǵaý jáne protsessýaldyq áreketter týraly SMS-ter kelip túsedi. Demek, habarlamany ýaqytyly alyp turý úshin nómirler men mobildi telefonnyń tirkeýden ótýi qajet ekenin eskergen jón. Buǵan qosa, búgin satylýda turǵan tyiym salynǵan múlik týraly málimet tek elektrondy satý alańynda ǵana emes, múlik satýǵa arnalǵan internet-resýrstarda ornalastyrylady. Bul satyp alýshylar sanyn kóbeitedi», - dedi Marat Beketaev.
