Foto: Ádilet ministrligi
Ádilet ministri Azamat Esqaraev BAQ ókilderimen ótken brifingide ataýyn beiádep sózben qoiǵan jaýapkershiligi shekteýli seriktestiktiń taǵdyry ne bolǵanyn aitty, dep habarlaidy Kazinform agenttigi.
«Iá, habardarmyz. Biz birden áreket ettik. Jarty kúnniń ishinde tiisti aimaqtyń departamenti sotqa júginip, kásiporyndy jaýyp tastady. Biz munyń sebepterin de anyqtadyq. Zańdy tulǵalardy qurý týraly zańnamany jeńildetken kezde azdaǵan ǵana aqshamen onlain formatta kompaniia ashýǵa múmkindik usynylǵan eken», - dedi ol jýrnalist suraǵyna bergen jaýabynda.
Ministr kompaniiany qalai ataý árkimniń óz erkindegi sharýa ekenin aitady.
«Ádilet departamenti ony teksermeidi. Kompaniiany, bilýimshe, «Azamattarǵa arnalǵan úkimet» kommertsiialyq emes aktsionerlik qoǵamy arqyly tirkeýge bolady. Mine, bul jeńildik is júzinde bizdiń mentalitetimizge de, mádenietimizge de sáikes kelmeitin kásiporynnyń paida bolýyna aparyp soqty. Biz birden shara qabyldap, ony jaýyp tastadyq. Biz qazir zańdy tulǵalardy tirkeý jónindegi zańnamany jetildirýdi pysyqtap jatyrmyz», - dedi Azamat Esqaraev.
Aitýynsha, azamattarǵa zańnamada mundai áreket úshin qandai da bir aiyppul sanktsiiasy qarastyrylmaǵan.
«Ókinishke qarai, zańnama bul turǵyda naqty tyiym salýdy kózdeidi dep aita almaimyn. Biz zańnamany memleketterdi, kásiporyndardy, zańdy tulǵalardy qurý máselesin baqylaýdy kúsheitý turǵysynan pysyqtap jatqanymyzdy aittym, Jaýapkershilik máselesin shynymen qarastyrý qajet. Múmkin adam shynymen ázil úshin osyndai zańdy tulǵany qurýǵa bastama qylǵan shyǵar. Meniń túsinýimshe, qoǵam bul ideiany qatty unatpady», - dedi Ádilet ministri.
Eske salsaq, birneshe ai buryn BAQ-ta ataýy beiádep sózderden quralǵan klýb týraly málimet taraǵan bolatyn.
