Ońtústik Qazaqstan oblystyn ádilet departamentiniń basshylyǵy biylǵy birinshi jarty jyldyqta atqarǵan jumystary boiynsha brifing ótkizdi. Mamandar zańdy tulǵalardy tirkeý salasy, zańgerlik qyzmet kórsetý, baǵalaý qyzmeti, jyljymaityn múlikke quqyqtardy tirkeý jáne normativtik quqyqtyq aktilerdi tirkeý boiynsha aqparat berdi. Azamattardyń saýattylyǵyn ashý maqsatynda departament tarapynan arnaiy ashyq esik kúnderi de uiymdastyrylǵan.
“100 naqty qadam” ult josparyna sáikes ádilet departamentinde jeke sot oryndaýshylary institýtyn odan ári damytý kózdelgen. Oblys boiynsha memlekettik jáne jeke sot oryndaýshylarynyń qaraýynda kólemi 204 mlrd teńgeden astam 300 myńǵa jýyq atqarýshylyq qujat bar. Osy merzimde onyń 3/1 bóligi ǵana sheshimin tapqan. Óitkeni, aliment óndirýde kúrdelikter jeterlik.
Jyljymaityn múlikke quqyqty tirkeý boiynsha da is-sharalar uiymdastyrylyp, azamattarǵa túsindirý jumystary júrgizilýde. Ádilet basqarmalarymen 40 myńǵa jýyq muraǵattyq tirkeý is-qujattary qarastyrylǵan.
Departament tarapynan advokattardyń jáne notariýstardyń jumystaryna da únemi baqylaý jasalady. Jalpy advokattardyń sany – 427. Olardyń ústinen túsken shaǵymnyń alǵashqysyna qatysty tártiptik shara kórilse, ekinshisi boiynsha ádilet ministrligimen litsenziianyń kúshi toqtatyldy. Buǵan qosa osy esepti merzimde 63 myńnan astam azamattyq hal aktileri terkelgen.
Ziiatkerlik menshik quqyqtaryn qorǵaý boiynsha 11 tekserý júrgizilgen deidi zańgerler. Onyń barysynda 370 myńnan astam teńgeniń myńnan astam kontrafaktilik ónimi zańsyz ainalymnan alynǵan. Bóten taýar belgisin zańsyz paidalanǵan nysandar boiynsha da aryzdarǵa sáikes sharalar kórilgen. Ádilet departamentinde ár shaǵym boiynsha tekserý júrgiziledi. Mamandar naqtylaǵandai, sot oryndaýshylary, advokattar men notariýstardyń qyzmetine kóńilińiz tolmasa, Shymkent qalasy, Jeltoqsan kóshesi, 16-ǵimaratta ornalasqan ádilet departamentine, resmi saityna, 119 nómiri arqyly aqparat berý qyzmetine nemese 58-0058 nómirine habarlasýyńyzǵa bolady. Eger shaǵymyńyz bolsa, jazbasha túrde de aryzdana alasyz.
