Almaty oblysynyń politsiia departamenti prokýratýranyń úilestirýimen adamnyń ishki organdaryn alyp-satýmen ainalysqan qylmystyq toptyń áreketine tosqaýyl qoidy, – dep habarlaidy "Ult aqparat" Polisia.kz portalyna silteme jasap.
Almaty qalasy, Almaty, Jambyl jáne Túrkistan oblystaryndaǵy uiymdasqan qylmysqa qarsy kúres bólimshelerine 22 figýrant (uiymdastyrýshylar, meditsina qyzmetkerleri, notariýs, retsipientter men donorlar) jetkizilgen. Olar retsipientter men donorlardy izdeý, jalǵan qujattardy rásimdeý jáne ishki organdardy transplantatsiialaý boiynsha operatsiialardy uiymdastyrý mindetterin ózara bólisip, áreket etken.
"Kelisim somasy 6-10 million teńgeni qurady, osyndai segiz fakt anyqtaldy.
Úsh negizgi uiymdastyrýshy qamaýǵa alyndy.
Izdestirý is-sharalarynyń nátijesinde kúdiktilerden aqsha, qujattama, tsifrlyq tasymaldaǵyshtar jáne basqa da zattai dáleldemeler tárkilendi" - delingen habarlamada.
IIM baspasóz qyzmeti málimetinshe, “Halyq densaýlyǵy jáne densaýlyq saqtaý júiesi týraly” Qazaqstan Respýblikasynyń Kodeksine sáikes, transplantatsiialaý kezinde adam aǵzalary men tinderin alyp-satýǵa tyiym salynady.
"QR QK-niń 116-baby (“Adamnyń aǵzalary men tinderin alyp qoiýǵa májbúrleý nemese zańsyz alyp qoiý”) boiynsha sotqa deiingi tergep-tekserý júrgizilip jatyr. Baptyń sanktsiiasy múlki tárkilenip, on eki jylǵa deiin bas bostandyǵynan aiyrý túrindegi jazany kózdeidi.
QPK-niń 201-babyna sáikes ózge aqparat jariia etýge jatpaidy" - delingen habarlamada.
