Foto: Bas prokýratýranyń baspasóz qyzmeti
Adam óltirdi degen kúdikti Germaniiadan ekstraditsiialandy, - dep habarlaidy "Ult aqparat" Bas prokýratýranyń baspasóz qyzmetine silteme jasap.
Germaniia Federativtik Respýblikasynyń Úkimeti ózara túsinistik qaǵidaty boiynsha QR Bas prokýratýrasynyń adam óltirýge kúdikti azamatty ustap berý týraly suraý salýyn qanaǵattandyrǵan.
Qylmys 2017 jyly Oral qalasyndaǵy avtoturaq aýmaǵynda oryn alǵan, janjal kezinde kúdikti jábirlenýshige 7 ret pyshaq jaraqatyn keltirip, jábirlenýshi sonyń saldarynan qaza bolǵan.
"Bul qylmysty jasaǵannan keiin kúdikti qylmystyq qýdalaý organdarynan jasyrynǵan, sol sebepti oǵan qatysty halyqaralyq izdeý jariialandy.
Búgin Bas prokýratýranyń, Ishki ister ministrliginiń qyzmetkerleri Syrtqy ister ministrliginiń kómegimen kúdiktini qylmystyq jaýaptylyqqa tartý úshin Qazaqstanǵa ekstraditsiialady. Qazirgi ýaqytta ol Astana qalasynyń tergeý izoliatoryna qamaldy" - delingen habarlamada.
Joǵaryda atalǵan qylmysty jasaǵany úshin ol 8 jyldan 15 jylǵa deiin bas bostandyǵynan aiyrylýy múmkin.
