فوتو: باس پروكۋراتۋرانىڭ باسپاسٶز قىزمەتٸ
ادام ٶلتٸردٸ دەگەن كٷدٸكتٸ گەرمانييادان ەكستراديتسييالاندى, - دەپ حابارلايدى "ۇلت اقپارات" باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
گەرمانييا فەدەراتيۆتٸك رەسپۋبليكاسىنىڭ ٷكٸمەتٸ ٶزارا تٷسٸنٸستٸك قاعيداتى بويىنشا قر باس پروكۋراتۋراسىنىڭ ادام ٶلتٸرۋگە كٷدٸكتٸ ازاماتتى ۇستاپ بەرۋ تۋرالى سۇراۋ سالۋىن قاناعاتتاندىرعان.
قىلمىس 2017 جىلى ورال قالاسىنداعى اۆتوتۇراق اۋماعىندا ورىن العان, جانجال كەزٸندە كٷدٸكتٸ جەبٸرلەنۋشٸگە 7 رەت پىشاق جاراقاتىن كەلتٸرٸپ, جەبٸرلەنۋشٸ سونىڭ سالدارىنان قازا بولعان.
"بۇل قىلمىستى جاساعاننان كەيٸن كٷدٸكتٸ قىلمىستىق قۋدالاۋ ورگاندارىنان جاسىرىنعان, سول سەبەپتٸ وعان قاتىستى حالىقارالىق ٸزدەۋ جارييالاندى.
بٷگٸن باس پروكۋراتۋرانىڭ, ٸشكٸ ٸستەر مينيسترلٸگٸنٸڭ قىزمەتكەرلەرٸ سىرتقى ٸستەر مينيسترلٸگٸنٸڭ كٶمەگٸمەن كٷدٸكتٸنٸ قىلمىستىق جاۋاپتىلىققا تارتۋ ٷشٸن قازاقستانعا ەكستراديتسييالادى. قازٸرگٸ ۋاقىتتا ول استانا قالاسىنىڭ تەرگەۋ يزولياتورىنا قامالدى" - دەلٸنگەن حابارلامادا.
جوعارىدا اتالعان قىلمىستى جاساعانى ٷشٸن ول 8 جىلدان 15 جىلعا دەيٸن باس بوستاندىعىنان ايىرىلۋى مٷمكٸن.
