Niý-Iork Ýniversitetiniń janyndaǵy Langone meditsinalyq ortalyǵynyń dárigeri Sem Parniia júregi toqtap qalǵan adamdar birneshe minýt boiy ainalasyndaǵy áreketterdi túsinip jatady degen tujyrym jasady, - dep jazady L!FE.
Maman men onyń komandasy Eýropa men AQSh-tyń klinikalyq ólimi tirkelgen turǵyndarynan saýalnama alǵan. Olardyń kópshiligi júregi toqtap qalǵannan keiin ainalasynda ne bolǵanyn bilip jatqanyn aitqan.
"Olar dárigerler men medbikelerdiń qalai jumys istegenin, ainalasynda ne kórip, ne estigenin aityp berdi. Olar bilmeýi tiis dúnieler jaily aitty", - deidi maman.
Naýqastar aitqan mundai derekterdi reanimatsiia jasaǵan dárigerler rastap otyr. Keibir naýqastar júregi toqtap qalǵannan keiin es bilip qana jatpai, dárigerlerdiń onyń ólimi týraly áńgimeleskenin estigenin aitqan. "Muny qazirgi ǵylym turǵysynda túsindirý óte qiyn" deidi ǵalym.
