Búgin, 13 mamyrda Qazaqstan Respýblikasy Prezidentiniń janyndaǵy Adam quqyqtary jónindegi komissiianyń Sarapshylar keńesiniń dóńgelek ústeli ótti, dep habarlaidy "Ult aqparat".
Is-shara barysynda elimizde júrgizilip jatqan saiasi jáne quqyqtyq reformalar talqylandy.
Dóńgelek ústelge qatysýshylar jyl basynda Qazaqstan Respýblikasy Prezidentiniń Qazaqstan halqyna Joldaýynda usynǵan aýqymdy saiasi jańǵyrtý baǵdarlamasyn iske asyrýdyń mańyzdylyǵyn atap ótti. Bul usynystar «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» QR Zań jobasynda kórinis tapty.
Adam quqyqtary jónindegi komissiianyń músheleri men sarapshylary Memleket basshysynyń zań jobasyn 5 maýsymda ótetin respýblikalyq referendýmǵa shyǵarý týraly sheshimin biraýyzdan qoldady.
Sondai-aq dóńgelek ústelge memlekettik organdar men ÚEU, halyqaralyq uiymdardyń, joǵary oqý oryndary men Qazaqstannyń ǵylymi qoǵamdastyǵynyń ókilderi qatysty.
