بٷگٸن, 13 مامىردا قازاقستان رەسپۋبليكاسى پرەزيدەنتٸنٸڭ جانىنداعى ادام قۇقىقتارى جٶنٸندەگٸ كوميسسييانىڭ ساراپشىلار كەڭەسٸنٸڭ دٶڭگەلەك ٷستەلٸ ٶتتٸ, دەپ حابارلايدى "ۇلت اقپارات".
ٸس-شارا بارىسىندا ەلٸمٸزدە جٷرگٸزٸلٸپ جاتقان ساياسي جەنە قۇقىقتىق رەفورمالار تالقىلاندى.
دٶڭگەلەك ٷستەلگە قاتىسۋشىلار جىل باسىندا قازاقستان رەسپۋبليكاسى پرەزيدەنتٸنٸڭ قازاقستان حالقىنا جولداۋىندا ۇسىنعان اۋقىمدى ساياسي جاڭعىرتۋ باعدارلاماسىن ٸسكە اسىرۋدىڭ ماڭىزدىلىعىن اتاپ ٶتتٸ. بۇل ۇسىنىستار «قازاقستان رەسپۋبليكاسىنىڭ كونستيتۋتسيياسىنا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭ جوباسىندا كٶرٸنٸس تاپتى.
ادام قۇقىقتارى جٶنٸندەگٸ كوميسسييانىڭ مٷشەلەرٸ مەن ساراپشىلارى مەملەكەت باسشىسىنىڭ زاڭ جوباسىن 5 ماۋسىمدا ٶتەتٸن رەسپۋبليكالىق رەفەرەندۋمعا شىعارۋ تۋرالى شەشٸمٸن بٸراۋىزدان قولدادى.
سونداي-اق دٶڭگەلەك ٷستەلگە مەملەكەتتٸك ورگاندار مەن ٷەۇ, حالىقارالىق ۇيىمداردىڭ, جوعارى وقۋ ورىندارى مەن قازاقستاننىڭ عىلىمي قوعامداستىعىنىڭ ٶكٸلدەرٸ قاتىستى.
