Foto: ashyq derekkóz
Bas prokýratýra men Interpoldyń Ulttyq ortalyq biýrosynyń qyzmetkerleri Qazaqstan Syrtqy ister ministrliginiń kómegimen Polshadan adam aǵzalaryn satqany úshin izdeýde júrgen Ýkraina azamatyn ekstraditsiialady, dep habarlaidy Ult.kz.
Ol 2017-2018 jyldar aralyǵynda transulttyq uiymdasqan qylmystyq toptyń múshesi bola otyryp, adam aǵzalaryn zańsyz satyp alý-satýmen ainalysqan degen kúdikke ilindi.
Onyń róli donorlar men retsipientter izdeý jáne olardyń arasyndaǵy kezdesýlerdi uiymdastyrý, organdardy satyp alý-satý men transplantatsiialaý operatsiialaryn qupiia ustaý jáne uiymdastyrýshylyq qoldaýdy qamtamasyz etý boldy.
Jalpy alǵanda, qylmystyq top músheleri Qazaqstan aýmaǵynda jáne basqa elderde tiri adamdardyń organdarymen 56 zańsyz mámile jasap, iaǵni Qazaqstan Respýblikasynyń densaýlyq saqtaý uiymdarynda satyp alý-satý jáne keiinnen transplantatsiialaýdy uiymdastyrǵan.
Qylmys jasaǵannan keiin kúdikti qylmystyq qýdalaý organdarynan jasyrynyp, 5 jyl boiy halyqaralyq izdeýde bolǵan.
Aǵymdaǵy jyldyń naýryz aiynda ol Polsha shekarasyn kesip ótpek bolǵan kezde ustalyp, Qazaqstan Respýblikasy Bas prokýratýrasynyń suraýy boiynsha Qazaqstanǵa ekstraditsiialandy.
Qazir kúdikti ýaqytsha ustaý izoliatoryna qamaldy.
Aiyptalǵan qylmystardy jasaǵany úshin múlki tárkilenip, segiz jyldan on eki jylǵa deiingi merzimge bas bostandyǵynan aiyrý jazasy qarastyrylǵan.
Aita keteiik, buǵan deiin bul qylmystyq uiymnyń 2 múshesi Túrkiia men Reseiden qaitarylǵan bolatyn.
