فوتو: اشىق دەرەككٶز
باس پروكۋراتۋرا مەن ينتەرپولدىڭ ۇلتتىق ورتالىق بيۋروسىنىڭ قىزمەتكەرلەرٸ قازاقستان سىرتقى ٸستەر مينيسترلٸگٸنٸڭ كٶمەگٸمەن پولشادان ادام اعزالارىن ساتقانى ٷشٸن ٸزدەۋدە جٷرگەن ۋكراينا ازاماتىن ەكستراديتسييالادى, دەپ حابارلايدى Ult.kz.
ول 2017-2018 جىلدار ارالىعىندا ترانسۇلتتىق ۇيىمداسقان قىلمىستىق توپتىڭ مٷشەسٸ بولا وتىرىپ, ادام اعزالارىن زاڭسىز ساتىپ الۋ-ساتۋمەن اينالىسقان دەگەن كٷدٸككە ٸلٸندٸ.
ونىڭ رٶلٸ دونورلار مەن رەتسيپيەنتتەر ٸزدەۋ جەنە ولاردىڭ اراسىنداعى كەزدەسۋلەردٸ ۇيىمداستىرۋ, ورگانداردى ساتىپ الۋ-ساتۋ مەن ترانسپلانتاتسييالاۋ وپەراتسييالارىن قۇپييا ۇستاۋ جەنە ۇيىمداستىرۋشىلىق قولداۋدى قامتاماسىز ەتۋ بولدى.
جالپى العاندا, قىلمىستىق توپ مٷشەلەرٸ قازاقستان اۋماعىندا جەنە باسقا ەلدەردە تٸرٸ ادامداردىڭ ورگاندارىمەن 56 زاڭسىز مەمٸلە جاساپ, ياعني قازاقستان رەسپۋبليكاسىنىڭ دەنساۋلىق ساقتاۋ ۇيىمدارىندا ساتىپ الۋ-ساتۋ جەنە كەيٸننەن ترانسپلانتاتسييالاۋدى ۇيىمداستىرعان.
قىلمىس جاساعاننان كەيٸن كٷدٸكتٸ قىلمىستىق قۋدالاۋ ورگاندارىنان جاسىرىنىپ, 5 جىل بويى حالىقارالىق ٸزدەۋدە بولعان.
اعىمداعى جىلدىڭ ناۋرىز ايىندا ول پولشا شەكاراسىن كەسٸپ ٶتپەك بولعان كەزدە ۇستالىپ, قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا قازاقستانعا ەكستراديتسييالاندى.
قازٸر كٷدٸكتٸ ۋاقىتشا ۇستاۋ يزولياتورىنا قامالدى.
ايىپتالعان قىلمىستاردى جاساعانى ٷشٸن مٷلكٸ تەركٸلەنٸپ, سەگٸز جىلدان ون ەكٸ جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلعان.
ايتا كەتەيٸك, بۇعان دەيٸن بۇل قىلمىستىق ۇيىمنىڭ 2 مٷشەسٸ تٷركييا مەن رەسەيدەن قايتارىلعان بولاتىن.
