«Adaldyq alany» jalpy respýblikalyq joba aiasynda turmystyq sybailas jemqorlyqty joiý máseleleri boiynsha keńes ótti, dep habarlaidy "Ult aqparat".
Keńes jumysyna vitse-ministrler jáne jobany iske asyrýǵa jaýapty ákimderdiń orynbasarlary, ortalyq memlekettik organdardyń aýmaqtyq bólimsheleriniń basshylary, ádep jónindegi ýákilder jáne qoǵam ókilderi qatysty.
Keńes barysynda respýblikalyq jobalyq keńseniń basshysy Tólegen Baiǵulov jobany iske asyrýdyń oń nátijelerin atap ótti.
«Turmystyq sybailas jemqorlyqty joiýdyń pármendi quraly ashyqtyq pen aiqyndyq ekenin eskere otyryp, «Adaldyq alany» respýblikalyq jobasy aiasynda memlekettik apparattyń klientke baǵdarlanýyn qamtamasyz etýge erekshe nazar aýdaryldy. Osylaisha 317 ákimdiktiń servistik jumys úlgisine kóshkenin atap ótken jón. Oblystyq mańyzy bar qalalar men aýdandarda júz paiyz qamtamasyz etildi», - dep ol atap ótti.
Joba úilestirýshileriniń aitýynsha, atqarylǵan jumys memlekettik qyzmetshilerdiń ashyqtyǵyn qamtamasyz ete otyryp, sheneýnikterdiń uiymdastyrýshylyq mádenietin transformatsiialaýdy bastaýǵa múmkindik berdi.
Sybailas jemqorlyqty jalpyǵa birdei qabyldamaý jaǵdailaryn jasai otyryp, jobalyq keńesteriniń menedjerleri memlekettik kórsetiletin qyzmetterdi údemeli tsifrlandyrýdy jalǵastyrdy, onyń deńgeii 2020 jyldyń qorytyndysy boiynsha
93%- dy qurady.
Jobanyń myzǵymas bóligi qoǵam ókilderiniń jeke qatysýy boldy. Ol 80 myńǵa jýyq eriktini biriktirdi, olardyń qoldaýymen sybailas jemqorlyq minez-qulyqty boldyrmaityn jaǵdailar jasalýda.
Barlyq qoǵam ókilderi – «Adaldyq alany» óńirlik jobalyq keńesteriniń basshylary óńirlik ákimderiniń shtattan tys keńesshileri bolyp taǵaiyndaldy.
Azamattarda áleýmettik mańyzdy máseleler boiynsha qoǵamdyq monitoringilerde bastamashylyq jasaýǵa jáne oǵan qatysýǵa múmkindik paida boldy.
Ótken jyly 10-nan astam sala qamtyldy, onyń ishinde dári-dármekpen qamtamasyz etý, qashyqtan oqytýdy uiymdastyrý, jol qurylysy jáne t. b.
Azamattardyń suranystaryna der kezinde jaýap berý úshin jobalyq keńseler problemalyq máselelerdi sheshý úshin kez-kelgen adam júgine alatyn Facebook-tegi resmi paraqshalardy belsendi túrde júrgizedi. Ótken jyldyń ózinde júgingen 11 500 azamattyń 80% sybailas jemqorlyq táýekelderimen bailanysty problemalyq máselelerdi oń sheshe aldy.
Óńirlerde jobany iske asyrýdyń oń nátijelerin eskere otyryp, sybailas jemqorlyqqa qarsy vedomstvo basshysy Alik Shpekbaev vitse-ministrlerdi ministrlikter deńgeiinde osyndai jumysty uiymdastyrýǵa shaqyrdy.
Onyń aitýynsha, jobalyq keńseler biýdjet qarajatynyń jumsalýyn baqylaýda, sybailas jemqorlyq táýekelderin boldyrmaýda jáne memlekettik qyzmetterdi tsifrlandyrýdy jedeldetýde, kedergisiz front-ofisterdi engizý arqyly halyqqa qyzmet kórsetýdiń servistik úlgisine kóshýde azamattyq qoǵamdy belsendi tarta otyryp, sybailas jemqorlyqqa qarsy bastamalardyń generatory bolýy tiis.
Bul óz kezeginde ministrlikterdiń jumysynyń ashyqtyǵyn jáne halyqqa esep berý jaǵyn túbegeili ózgertedi.
Sondai-aq, A.Shpekbaev el basshylyǵyna sybailas jemqorlyqpen kúres boiynsha laiyqty bastamalary joq basshylar týraly aqparat daiyndaý týraly tapsyrma berdi.
Qorytyndylai kele, sybailas jemqorlyqqa qarsy saiasatty sapaly iske asyrý úshin memlekettik organdar qoǵammen tiisti baǵalaý ádistemesin qurýdy usyndy.
