Almatylyq strimerdiń tikelei efirde Batys Qazaqstan turǵyndary, Adai rýynyń ókilderi men Jańaózen halqyna qatysty aitqan sózderi áleýmettik jelide narazylyq týǵyzdy, dep habarlaidy ult.kz.
Efir barysynda strimer batys óńirine tán sóileý ereksheligin synǵa alyp, jergilikti dialekt qazaq tilin «buzady» degen pikir bildirgen.
Budan keiin ol «sálem salý» dástúrine toqtalyp, kelinniń úlkenderge iilip sálem berýin orynsyz túrde bala tileýmen bailanystyrǵan.
Strimerdiń Jańaózen turǵyndary týraly sózderi de kópshiliktiń synyna ushyrady. Ol Jańaózennen Almatyǵa kelgen adamdardyń soqqyǵa jyǵylýy múmkin ekenin aitqan.
Munai salasynyń qyzmetkerleri de onyń synyna ilikken. Sheteldik mamandarmen eńbek jaǵdaiy men jalaqydaǵy teńdikti talap etip, ujymdyq úndeý jasaityn munaishylarǵa qatysty bloger mundai talaptardy memleketke qoiýǵa bolmaitynyn aitqan.
Sonymen qatar ol Qańtar oqiǵasyna qatysty jaýapkershilikti Jańaózen turǵyndaryna júktegen.
Strimerdiń efirinen úzindiler áleýmettik jelide tarap, qoldanýshylar arasynda qyzý talqylaý týǵyzdy. Jeli qoldanýshylary Batys Qazaqstan turǵyndarynan, Adai rýynyń ókilderi men Jańaózen halqynan kópshilik aldynda keshirim suraýdy talap etip jatyr.
Pikir bildirýshiler strimerdiń sózderi óńir turǵyndarynyń tiline, dástúri men eńbek tarihyna qatysty qurmetsizdik dep baǵalaǵan.
