الماتىلىق ستريمەردٸڭ تٸكەلەي ەفيردە باتىس قازاقستان تۇرعىندارى, اداي رۋىنىڭ ٶكٸلدەرٸ مەن جاڭاٶزەن حالقىنا قاتىستى ايتقان سٶزدەرٸ ەلەۋمەتتٸك جەلٸدە نارازىلىق تۋعىزدى, دەپ حابارلايدى ult.kz.
ەفير بارىسىندا ستريمەر باتىس ٶڭٸرٸنە تەن سٶيلەۋ ەرەكشەلٸگٸن سىنعا الىپ, جەرگٸلٸكتٸ ديالەكت قازاق تٸلٸن «بۇزادى» دەگەن پٸكٸر بٸلدٸرگەن.
بۇدان كەيٸن ول «سەلەم سالۋ» دەستٷرٸنە توقتالىپ, كەلٸننٸڭ ٷلكەندەرگە يٸلٸپ سەلەم بەرۋٸن ورىنسىز تٷردە بالا تٸلەۋمەن بايلانىستىرعان.
ستريمەردٸڭ جاڭاٶزەن تۇرعىندارى تۋرالى سٶزدەرٸ دە كٶپشٸلٸكتٸڭ سىنىنا ۇشىرادى. ول جاڭاٶزەننەن الماتىعا كەلگەن ادامداردىڭ سوققىعا جىعىلۋى مٷمكٸن ەكەنٸن ايتقان.
مۇناي سالاسىنىڭ قىزمەتكەرلەرٸ دە ونىڭ سىنىنا ٸلٸككەن. شەتەلدٸك ماماندارمەن ەڭبەك جاعدايى مەن جالاقىداعى تەڭدٸكتٸ تالاپ ەتٸپ, ۇجىمدىق ٷندەۋ جاسايتىن مۇنايشىلارعا قاتىستى بلوگەر مۇنداي تالاپتاردى مەملەكەتكە قويۋعا بولمايتىنىن ايتقان.
سونىمەن قاتار ول قاڭتار وقيعاسىنا قاتىستى جاۋاپكەرشٸلٸكتٸ جاڭاٶزەن تۇرعىندارىنا جٷكتەگەن.
ستريمەردٸڭ ەفيرٸنەن ٷزٸندٸلەر ەلەۋمەتتٸك جەلٸدە تاراپ, قولدانۋشىلار اراسىندا قىزۋ تالقىلاۋ تۋعىزدى. جەلٸ قولدانۋشىلارى باتىس قازاقستان تۇرعىندارىنان, اداي رۋىنىڭ ٶكٸلدەرٸ مەن جاڭاٶزەن حالقىنان كٶپشٸلٸك الدىندا كەشٸرٸم سۇراۋدى تالاپ ەتٸپ جاتىر.
پٸكٸر بٸلدٸرۋشٸلەر ستريمەردٸڭ سٶزدەرٸ ٶڭٸر تۇرعىندارىنىڭ تٸلٸنە, دەستٷرٸ مەن ەڭبەك تاريحىنا قاتىستى قۇرمەتسٸزدٸك دەپ باعالاعان.
