Qańtar oqiǵasynda ustalǵan azamattardyń arasynda jazyqsyzdar áli de bar. Bul týraly «Amanat» komissiiasynyń tóraǵasy Abzal Quspan málim etti, dep habarlaidy QazAqparat.
«Qazir komissiia jumysy jalǵasyp jatyr. Bizge bilik tarapynan jumys isteýge múmkindik berildi. Sondyqtan saiasi suraqtarǵa saiasi baǵa berý durys emes dep esepteimin. Sebebi bizdiń aldymyzda áli de qyzmetimizge muqtaj jandar bar. Sol sebepti menińshe, dál qazir saiasi baǵa berýdi durys emes. Odan da naqty otyrǵan azamattarǵa kómek qolyn sozyp, olarǵa kómektesken durys dep esepteimin», - dedi Abzal Quspan brifing barysynda BAQ ókilderiniń saýalyna orai.
Osy rette komissiia múshesi Mádi Myrzaǵaraev balasy, kúieýi, ákesi qamaýda otyrǵan jandar qoǵamnyń, advokattardyń kómegine zárý ekenindigin basa aitty.
«Sondyqtan bul jerde «kim kináli?», «kimniń qatesi?», «qatelikti kim jiberdi?» dep daýlasyp otyrǵannan góri olarǵa kómek kórsetken áldeqaida paidaly. Daý-damaiǵa tarih jaýap beredi. Oǵan erteń saiasi baǵa beriledi, halyq baǵa beredi. Onyń máselesi sheshiledi. Alaida qazir kezek kúttirmeitin másele – qamaýda otyrǵan, jazyqsyz ketip qalmasyn degen jastarǵa kómek kórsetý», - dedi ol.
