قاڭتار وقيعاسىندا ۇستالعان ازاماتتاردىڭ اراسىندا جازىقسىزدار ەلٸ دە بار. بۇل تۋرالى «امانات» كوميسسيياسىنىڭ تٶراعاسى ابزال قۇسپان مەلٸم ەتتٸ, دەپ حابارلايدى قازاقپارات.
«قازٸر كوميسسييا جۇمىسى جالعاسىپ جاتىر. بٸزگە بيلٸك تاراپىنان جۇمىس ٸستەۋگە مٷمكٸندٸك بەرٸلدٸ. سوندىقتان ساياسي سۇراقتارعا ساياسي باعا بەرۋ دۇرىس ەمەس دەپ ەسەپتەيمٸن. سەبەبٸ بٸزدٸڭ الدىمىزدا ەلٸ دە قىزمەتٸمٸزگە مۇقتاج جاندار بار. سول سەبەپتٸ مەنٸڭشە, دەل قازٸر ساياسي باعا بەرۋدٸ دۇرىس ەمەس. ودان دا ناقتى وتىرعان ازاماتتارعا كٶمەك قولىن سوزىپ, ولارعا كٶمەكتەسكەن دۇرىس دەپ ەسەپتەيمٸن», - دەدٸ ابزال قۇسپان بريفينگ بارىسىندا باق ٶكٸلدەرٸنٸڭ ساۋالىنا وراي.
وسى رەتتە كوميسسييا مٷشەسٸ مەدي مىرزاعاراەۆ بالاسى, كٷيەۋٸ, ەكەسٸ قاماۋدا وتىرعان جاندار قوعامنىڭ, ادۆوكاتتاردىڭ كٶمەگٸنە زەرۋ ەكەنٸندٸگٸن باسا ايتتى.
«سوندىقتان بۇل جەردە «كٸم كٸنەلٸ?», «كٸمنٸڭ قاتەسٸ?», «قاتەلٸكتٸ كٸم جٸبەردٸ?» دەپ داۋلاسىپ وتىرعاننان گٶرٸ ولارعا كٶمەك كٶرسەتكەن ەلدەقايدا پايدالى. داۋ-دامايعا تاريح جاۋاپ بەرەدٸ. وعان ەرتەڭ ساياسي باعا بەرٸلەدٸ, حالىق باعا بەرەدٸ. ونىڭ مەسەلەسٸ شەشٸلەدٸ. الايدا قازٸر كەزەك كٷتتٸرمەيتٸن مەسەلە – قاماۋدا وتىرعان, جازىقسىز كەتٸپ قالماسىن دەگەن جاستارعا كٶمەك كٶرسەتۋ», - دەدٸ ول.
