«Atameken» kásipkerler palatasynyń basqarma tóraǵasy Abylai Myrzahmetov óz qyzmetinen bas tartty, dep habarlaidy QazAqparat.
«Qurmetti áriptester, osydan 8 jyl buryn Atamekendi ózderińizben birge qurdyq. Maqsat – kásipkerlerdiń basyn qosyp, «bir jeńnen qol, bir jaǵadan bas shyǵarý» edi. Eń bastysy bilik pen biznestiń arasynda «altyn kópir bolý. Árine, ulttyq palatanyń qyzmetine qatysty syn aitylyp jatyr. Ony jasyrmaimyz jáne synnan qashpaimyz», - dedi Abylai Myrzahmetov «Atameken» ulttyq kásipkerler palatasynyń kezekten tys IH sezinde.
Onyń aitýynsha, palatanyń basty mindeti elde kásipkerlikti damytý, kásip ashamyn degen jandarǵa múmkindik berý.
«Óńirlerdi aralap, qoldan kelgenshe ózderińizben birge is-áreket ettik. Búgingi jiynda pikirler ashyq aitylyp jatyr. Oilaryńyz ben máselelerdi erkin kóterip jatyrsyzdar. Bul palatanyń aiaqtan turǵanyn bildiredi. Qazirgi eldegi jaǵdai barshańyzǵa málim. Sońǵy 1 aidyń ishinde ómirimiz aitarlyqtai ózgerdi. Jańa Qazaqstanda ómir súrip jatyrmyz. Al kásipkerler jańa Qazaqstandy damytýdaǵy negizgi kúsh. Memleket basshysy da kásipkerlerge úlken úmit artyp otyr. Men búgingi kezekten tys sezdiń aldynda basqarma tóraǵasy retinde quzyretimdi tapsyratynymdy aitqym kelip otyr», - deidi ol.
Aita keteiik, elordada «Atameken» ulttyq kásipkerler palatasynyń kezekten tys IH sezi ótip jatyr.
