Petropavldaǵy «Abylai han rezidentsiiasy» murajai kesheniniń jóndeý jumystaryn nurotandyqtardan quralǵan monitoringtik top baqylaýǵa aldy, dep habarlaidy "Ult aqparat".
«Nur Otan» partiiasy SQO filialy baspasóz qyzmetiniń málimetinshe, mádeniet jáne sport nysandaryn jóndeý jáne qurylysyn baqylaý boiynsha arnaiy top Abylaihan han rezidentsiiasyndaǵy jumystardy kórgen.
Murajai kesheninde jóndeý jumystary birer apta buryn bastaldy. Qurylysshylar 1 tamyzǵa deiin ony aiaqtaýy kerek. Osy maqsatqa 33 mln 740 myń teńge biýdjet qarajaty bólingen.
Reid barysynda top músheleri atqarylyp jatqan jumystyń sapasyna mán berdi. Máselen ǵimaratta sý burý júiesi qarastyrylmaǵan. Iaǵni, jańbyr jaýǵan saiyn aqqan sý jańadan tóselgen kespe tastardy búldirýi múmkin. Sondai-aq, quima tastardy tóseý sapasy da olardyń kóńilinen shyqpady.
«Shatyrdan aqqan sýdy burýǵa mán berý kerek. Áitpese eńbek esh bolady. Tóselgen quima tastar sýmen ornynan qozǵalyp, úgitilýi múmkin, ári aqqan sý esik aldyna jinalyp, kelýshilerge yńǵaisyzdyq týdyrady. Muny biz qurylys salasyndaǵy maman bolmasaq ta kórip turmyz. Irgetas, brýschatka jańbyrdan soń buzylady. Sodan keiin qaita salý kerek pe?», - dedi baqylaý tobynyń múshesi Alan Jýkov.
Nysanda jóndeý jumystaryn júrgizip jatqan merdiger kompaniianyń basshysy qoǵam ókilderimen kezdesýge kelgen joq. Sol sebepti top músheleriniń suraqtaryna seriktestiktiń qurylysshy-sheberine jaýap berýge týra keldi. Onyń aitýynsha, jobada sý burý josparlanbaǵan eken, biraq monitoringtik top músheleriniń aralasýynan keiin, bul másele qaita qaralady. Nurotandyqtar birer aptadan keiin nysandaǵy jóndeý jumystaryn qaita kelip kórmekshi.
«Búgin biz jaǵdaimen tanystyq. Keiin taǵy kelip ne jasalǵanyn, eskertýlerdi qalai eskergenin kóremiz. Baqylaý kerek, sonda ǵana merdiger kompaniialardyń jaýapkershiligi artady», - deidi top múshesi, SQO Mádeniet, muraǵattar jáne qujattama basqarmasy basshysynyń orynbasary Dosbol Ábdirisov.
«Qutty meken» ulttyq jobasy aiasynda qurylǵan monitoringtik toptyń quramyna oblystyq jáne qalalyq máslihattardyń depýtattary, jýrnalister, blogerler, memlekettik organdar men qoǵamdyq birlestikterdiń ókilderi kirgen.
