پەتروپاۆلداعى «ابىلاي حان رەزيدەنتسيياسى» مۇراجاي كەشەنٸنٸڭ جٶندەۋ جۇمىستارىن نۇروتاندىقتاردان قۇرالعان مونيتورينگتٸك توپ باقىلاۋعا الدى, دەپ حابارلايدى "ۇلت اقپارات".
«Nur Otan» پارتيياسى سقو فيليالى باسپاسٶز قىزمەتٸنٸڭ مەلٸمەتٸنشە, مەدەنيەت جەنە سپورت نىساندارىن جٶندەۋ جەنە قۇرىلىسىن باقىلاۋ بويىنشا ارنايى توپ ابىلايحان حان رەزيدەنتسيياسىنداعى جۇمىستاردى كٶرگەن.
مۇراجاي كەشەنٸندە جٶندەۋ جۇمىستارى بٸرەر اپتا بۇرىن باستالدى. قۇرىلىسشىلار 1 تامىزعا دەيٸن ونى اياقتاۋى كەرەك. وسى ماقساتقا 33 ملن 740 مىڭ تەڭگە بيۋدجەت قاراجاتى بٶلٸنگەن.
رەيد بارىسىندا توپ مٷشەلەرٸ اتقارىلىپ جاتقان جۇمىستىڭ ساپاسىنا مەن بەردٸ. مەسەلەن عيماراتتا سۋ بۇرۋ جٷيەسٸ قاراستىرىلماعان. ياعني, جاڭبىر جاۋعان سايىن اققان سۋ جاڭادان تٶسەلگەن كەسپە تاستاردى بٷلدٸرۋٸ مٷمكٸن. سونداي-اق, قۇيما تاستاردى تٶسەۋ ساپاسى دا ولاردىڭ كٶڭٸلٸنەن شىقپادى.
«شاتىردان اققان سۋدى بۇرۋعا مەن بەرۋ كەرەك. ەيتپەسە ەڭبەك ەش بولادى. تٶسەلگەن قۇيما تاستار سۋمەن ورنىنان قوزعالىپ, ٷگٸتٸلۋٸ مٷمكٸن, ەرٸ اققان سۋ ەسٸك الدىنا جينالىپ, كەلۋشٸلەرگە ىڭعايسىزدىق تۋدىرادى. مۇنى بٸز قۇرىلىس سالاسىنداعى مامان بولماساق تا كٶرٸپ تۇرمىز. ٸرگەتاس, برۋسچاتكا جاڭبىردان سوڭ بۇزىلادى. سودان كەيٸن قايتا سالۋ كەرەك پە?», - دەدٸ باقىلاۋ توبىنىڭ مٷشەسٸ الان جۋكوۆ.
نىساندا جٶندەۋ جۇمىستارىن جٷرگٸزٸپ جاتقان مەردٸگەر كومپانييانىڭ باسشىسى قوعام ٶكٸلدەرٸمەن كەزدەسۋگە كەلگەن جوق. سول سەبەپتٸ توپ مٷشەلەرٸنٸڭ سۇراقتارىنا سەرٸكتەستٸكتٸڭ قۇرىلىسشى-شەبەرٸنە جاۋاپ بەرۋگە تۋرا كەلدٸ. ونىڭ ايتۋىنشا, جوبادا سۋ بۇرۋ جوسپارلانباعان ەكەن, بٸراق مونيتورينگتٸك توپ مٷشەلەرٸنٸڭ ارالاسۋىنان كەيٸن, بۇل مەسەلە قايتا قارالادى. نۇروتاندىقتار بٸرەر اپتادان كەيٸن نىسانداعى جٶندەۋ جۇمىستارىن قايتا كەلٸپ كٶرمەكشٸ.
«بٷگٸن بٸز جاعدايمەن تانىستىق. كەيٸن تاعى كەلٸپ نە جاسالعانىن, ەسكەرتۋلەردٸ قالاي ەسكەرگەنٸن كٶرەمٸز. باقىلاۋ كەرەك, سوندا عانا مەردٸگەر كومپانييالاردىڭ جاۋاپكەرشٸلٸگٸ ارتادى», - دەيدٸ توپ مٷشەسٸ, سقو مەدەنيەت, مۇراعاتتار جەنە قۇجاتتاما باسقارماسى باسشىسىنىڭ ورىنباسارى دوسبول ەبدٸرٸسوۆ.
«Qutty meken» ۇلتتىق جوباسى اياسىندا قۇرىلعان مونيتورينگتٸك توپتىڭ قۇرامىنا وبلىستىق جەنە قالالىق مەسليحاتتاردىڭ دەپۋتاتتارى, جۋرناليستەر, بلوگەرلەر, مەملەكەتتٸك ورگاندار مەن قوعامدىق بٸرلەستٸكتەردٸڭ ٶكٸلدەرٸ كٸرگەن.
