Astana turǵyny ulttyq jáne áleýmettik arazdyq týǵyzdy degen aiyppen sottaldy, - dep habarlaidy Tengrinews.kz tilshisi.
Astanada "Abý-Dabi Plaza" qurylysyndaǵy sheteldik jumysshylar men kúzet kompaniiasy qyzmetkerleriniń arasyndaǵy qaqtyǵys kezinde er adam áleýmettik jelilerde zańǵa qaishy áreketke shaqyrǵan delinedi.
"Ol QR Qylmystyq kodeksiniń 174-babynyń 1-bóligi boiynsha ("Áleýmettik, ulttyq, rýlyq, násildik, tektik-toptyq nemese dini alaýyzdyqty qozdyrý") aiypty dep tanyldy. Astana turǵyny áleýmettik jeliler arqyly qalalyqtardy "Abý-Dabi Plaza" qurylysyndaǵy sheteldik jumysshylarǵa qarsy zańǵa qaishy áreket jasaýǵa shaqyrǵan", - dep habarlady Esil aýdandyq №2 sotynyń tóraǵasy Qanat Tobaǵaliuly.
"Ol Facebook arqyly sheteldikterdi jazalaý úshin kómekke shaqyrǵan. Sot tyńdaýy kezinde eshqandai aram oiy bolmaǵanyn, kórgen soń jaza salǵanyn aitty", - dedi sýdia.
Astana turǵyny sottalyp, keiin sheshimniń ústinen shaǵym túsirdi. "Ol aiypty dep tanyldy, eki jylǵa bas bostandyǵynan aiyryldy. Alaida apelliatsiialyq instantsiia isti qaraý barysynda jaza merzimin bir jylǵa aýystyrdy", - dedi sýdia Qanat Tobaǵaliuly.
