«Ábý-Dabi Plaza» jumystan shyǵarylǵan 62 jumysshyǵa ótemaqy tóleitin boldy. Bul týraly QR Kásipodaqtar federatsiiasy tóraǵasynyń orynbasary Erlan Sairov Feisbýktegi paraqshasynda jazdy, dep habarlaidy "Ult aqparat".
«Qazaqstan Kásipodaqtar federatsiiasynyń arnaiy ókili retinde «Ábý-Dabi Plaza» kompaniiasynyń menedjmentimen kezdestim. Atalǵan kompaniiadaǵy otandyq jumysshylardy qorǵaýdyń ózekti máselelerin talqyladyq. Men jumysshylardyń quqyqtaryn qorǵaý bizdiń uiym jumysynyń basty elementi bolyp sanalatyndyǵyn atap óttim», - dep jazady ol.
Osy rette ol kezdesý qorytyndysyna egjei-tegjeili toqtalmastan buryn «Ádý-Dabi Plaza» kompaniiasynyń eńbek qatynastary salasyndaǵy saiasatyna jalpy saramamen bólisip ótken. Onyń aitýynsha, «Ádý-Dabi Plaza» sheteldik kompaniia retinde bizdiń elimizde jumys kúshin tartý jáne jaldaý úshin jergilikti firmalardyń qyzmetine júginedi. Olardyń jumysshylardy jaldaýmen ainalysatyn qosalqy merdigerlerdiń qatarynda 40-tan astam otandyq uiym bar. Qosalqy merdigerler eńbek reýstaryn izdeý, jaldaý jáne oqytýmen ainalysady.
«Bizdiń kliringtik firmalar «jumystyń belgili bir túrine arnalǵan» úlgilik kelisimshartty qoldanady. Atalǵan termin resmi túrde Qazaqstannyń Eńbek kodeksine sai keledi. Degenmen, atalǵan tujyrym jumys berýshige áleýmettik ótemaqysyz eńbek qarym-qatynasyn birjaqty tártippen buzýǵa quqyq beredi. Osylaisha, «Ábý-dabi Plazany» qosalqy merdiger uiymdarynyń 62 jumysshysy jumystan shyǵarylǵan. Resmi túrde eńbek zańnamasy buzylmaǵan. Al ádildik turǵysynan alyp qaraǵanda suraq óte kóp. Bizdiń azamattarymyz qysta, qatty sýyq kúnderde kúneltýge qajetti qarajatsyz qalyp otyr. Aita keterligi, Astana qalasy ákimdiginiń, ózge de quziretti organdardyń kelissózderi nátijesinde kompaniia menedjmenti 62 jumysshyǵa kelisimsharttyń buzylýyna bailanysty bir ailyq ótemaqy, eńbek demalysynyń paidalanylmaǵan kúnderi úshin ótemaqy tóleýge kelisti. Parasatty múdde jeńiske jetti jáne taraptar beibit tarqady. Biraq, bizdegi aqparatqa sáikes, eńbek kelisimsharttary buzylýynyń kelesi tolqyny kezekte tur. Biz munan ary da eńbek quqyqtarynyń shektelý faktilerine der ýaqytynda ún qatyp, Qazaqstan zańnamasy aiasynda azamattarymyzdyń, jumysshylardyń quqyqtaryn qorǵaityn bolamyz. Bul bizdiń azamattyq ustanymyz», - dedi Erlan Sairov.
