Sýret ashyq derekkózden alyndy
Qarjy naryǵyn retteý jáne damytý agenttigi 45 kúnge jáne 50 AEK (qazir 172 500 teńge) somasyna beriletin shaǵyn kreditti tolyǵymen alyp tastaýdy usynyp otyr, dep habarlaidy Sputnik Qazaqstan.
Agenttik tóraǵasy Mádina Ábilqasymovanyń aitýynsha, búginde 297 myń adamnyń 37 mlrd teńgege problemalyq onlain-mikrokrediti bar.
"Mundai onlain-mikrokreditter nemese jalaqyǵa deiingi qaryz qashyqtan beriledi. Kóp jaǵdaida qaryz alýshy tiisti deńgeide sáikestendirilmeidi, onyń tólem qabilettiligi baǵalanbaidy. Osyǵan bailanysty agenttik 45 kúnge deiin beriletin jáne somasy 50 AEK-ten aspaityn (2023 jyly – 172 500 teńge) shaǵyn kreditti tolyǵymen alyp tastaý týraly bastama kóterdi", - dedi ol parlamenttik tyńdaýda.
Aitýynsha, onlain nesieleý kompaniialary óz qyzmetin jalǵastyra beredi, biraq shaǵyn kreditti kez kelgen merzimge barlyq mikrokredittik uiym úshin bekitilgen biryńǵai stavkamen berýge tiis.
Qazirgi tańda respýblikada 254 mikroqarjy uiymynyń ishinde 50 kompaniia onlain nesieleýmen ainalysady.
