Mádina Ábilqasymova Qazaqstan Respýblikasynyń Qarjy naryǵyn retteý jáne damytý agenttiginiń tóraǵasy bolyp taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
Mádina Erasylqyzy 1978 jyly 1 tamyzda týǵan.
1999 jyly Qazaq Memlekettik Basqarý Akademiiasyn «halyqaralyq ekonomikalyq qatynastar» mamandyǵy boiynsha bitirgen. 2002 jyly Kolýmbiia ýniversitetin halyqaralyq qatynastar magistri dárejesimen «ekonomikalyq saiasatty basqarý» mamandyǵy boiynsha bitirgen. 2011 jyly Garvard ýniversitetiniń Kennedi atyndaǵy Memlekettik basqarý mektebin «memlekettik basqarý magistri» mamandyǵy boiynsha bitirgen.
Eńbek jolyn 1999 jyldan 2001 jylǵa deiin - Qazaqstan Respýblikasynyń strategiialyq josparlaý agenttiginiń bas mamany bolyp bastaǵan.
2003 jyldan 2004 jylǵa deiin - Qazaqstan Respýblikasynyń Ekonomika jáne biýdjettik josparlaý ministrliginiń strategiialyq josparlaý basqarmasynyń bastyǵy.
2004 jyldan 2006 jylǵa deiin - «Marketingtik-taldamalyq zertteýler ortalyǵy» AQ memlekettik saiasatty taldaý departamentiniń direktory.
2006 jylǵy aqpannan 2008 jylǵy naýryzǵa deiin - Qazaqstan Respýblikasynyń Premer-Ministri Keńsesiniń Áleýmettik-ekonomikalyq bólim meńgerýshisiniń orynbasary.
2008 jylǵy naýryzdan 2011 jylǵy qyrkúiekke deiin - Qazaqstan Respýblikasynyń Prezident Ákimshiliginiń Strategiialyq ázirlemeler jáne taldaý ortalyǵy meńgerýshisiniń orynbasary.
2011 jylǵy qyrkúiekten 2013 jylǵy aqpanǵa deiin - Qazaqstan Respýblikasynyń Ekonomikalyq damý jáne saýda vitse-ministri.
2012 jyldan bastap Dúniejúzilik banktiń Qazaqstandaǵy basqarýshysynyń orynbasary2013 jylǵy aqpannan 2014 jylǵy tamyzǵa deiin - Qazaqstan Respýblikasynyń Ekonomika jáne biýdjettik josparlaý vitse-ministri.
2018 jyldyń aqpan aiynan bastap 2019 jyldyń aqpanyna deiin Eńbek jáne halyqty áleýmettik qorǵaý ministri qyzmetin atqarǵan.
Biylǵy 12 naýryzda QR Úkimetiniń Qaýlysymen Mádina Erasylqyzy Ábilqasymova QR ulttyq ekonomika birinshi vitse-ministri bolyp taǵaiyndalǵan bolatyn.
Al 28 naýryzdan beri Mádina Ábilqasymova Ulttyq bank tóraǵasynyń orynbasary qyzmetin atqaryp keldi.
