Genadii Golovkinniń burynǵy jattyqtyrýshysy Abel Sanches 2017 jyly orta salmaqta absoliýtti álem chempiony ataǵy úshin GGG men Bill Djo Sonders arasyndaǵy aiqas nege bolmady degen suraqqa jaýap berdi, dep habarlaidy QazAqparat Sports.kz-ke silteme jasap.
Ol kezde qazaqstandyq WBA, WBC jáne IBF titýldarynyń iegeri, al Sonders WBO nusqasy boiynsha chempion edi.
- Shyn máninde bizde Qazaqstanda Sonderspen jekpe-jekke kelisimshart jasalǵan. Bul elordadaǵy EKSPO-2017 kórmesinde boldy. Biraq qandai da bir sebeptermen EKSPO uiymdastyrýshylary tiisti kepildikterdi oryndai almady jáne aiqas ta bolǵan joq. Bul jekpe-jekti uiymdastyrýdyń jalǵyz tásili Billi Djonyń kepildikterin oryndaý edi. Biraq olar oǵan budan buryn aitylǵan somaǵa kepildik bere almady ári kelissózderge qaita oralǵan joq. Óitkeni bizde ondai aqsha bolmady, - dedi Sanches Fighthub TV bergen suhbatynda.
