10 tamyz kúni Abai týraly 16 zertteý eńbegi jaryq kórdi. Jyl sońyna deiin taǵy 20-dan astam kitap shyǵarý josparda bar. Bul týraly L.N.Gýmilev atyndaǵy Eýraziia Ulttyq ýniversitetiniń rektory, tarih ǵylymdarynyń doktory Erlan Sydyqov Abaiǵa arnalǵan kitaptyń tusaýkeserinde aitty, dep habarlaidy QazAqparat.
«Abaiǵa arnalǵan kitap qansha shyqsa da azdyq etpeidi. Abaidy zertteý, nasihattaý endi bastaldy. Oǵan muryndyq bolyp otyrǵan Abaidyń ózi jáne onyń qajettiligin halyqqa jetkizip otyrǵan QR Prezidenti Qasym-Jomart Toqaev. Ol Abaidyń toiy biz úshin ǵylymnyń, rýhtyń, mádeniettiń toiy bolýy kerek ekenin aitty», - deidi L.N.Gýmilev atyndaǵy Eýraziia Ulttyq ýniversitetiniń rektory, tarih ǵylymdarynyń doktory Erlan Sydyqov.
Onyń sózine qaraǵanda, aldaǵy mindet – Abaidy álemge tanytý.
«Abaidy álemge tanytý kerek, sebebi ol qazaq halqynyń ǵana emes, adamzattyń Abaiy. Ol uly gýmanist. Abaidy ártúrli tilge aýdarý arqyly nasihattaý – basty baǵyttardyń biri bolýy kerek. Prezident Abaidyń 175 jyldyǵyn atap ótý aiasynda EUÝ-da «Abai akademiiasy» ǵylymi-zertteý institýtyn qurýdy tapsyrǵan bolatyn. 6 aidyń ishinde óz qarajatymyzben arnaiy jobany iske asyrdyq. 100-den astam zertteýshi jumys isteýde. 16 zertteý eńbegimiz 10 tamyz kúni jaryq kórdi. Jyl sońyna deiin taǵy 20-dan astam kitap shyǵarý josparda bar», - deidi ol.
