10 تامىز كٷنٸ اباي تۋرالى 16 زەرتتەۋ ەڭبەگٸ جارىق كٶردٸ. جىل سوڭىنا دەيٸن تاعى 20-دان استام كٸتاپ شىعارۋ جوسپاردا بار. بۇل تۋرالى ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ رەكتورى, تاريح عىلىمدارىنىڭ دوكتورى ەرلان سىدىقوۆ ابايعا ارنالعان كٸتاپتىڭ تۇساۋكەسەرٸندە ايتتى, دەپ حابارلايدى قازاقپارات.
«ابايعا ارنالعان كٸتاپ قانشا شىقسا دا ازدىق ەتپەيدٸ. ابايدى زەرتتەۋ, ناسيحاتتاۋ ەندٸ باستالدى. وعان مۇرىندىق بولىپ وتىرعان ابايدىڭ ٶزٸ جەنە ونىڭ قاجەتتٸلٸگٸن حالىققا جەتكٸزٸپ وتىرعان قر پرەزيدەنتٸ قاسىم-جومارت توقاەۆ. ول ابايدىڭ تويى بٸز ٷشٸن عىلىمنىڭ, رۋحتىڭ, مەدەنيەتتٸڭ تويى بولۋى كەرەك ەكەنٸن ايتتى», - دەيدٸ ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ رەكتورى, تاريح عىلىمدارىنىڭ دوكتورى ەرلان سىدىقوۆ.
ونىڭ سٶزٸنە قاراعاندا, الداعى مٸندەت – ابايدى ەلەمگە تانىتۋ.
«ابايدى ەلەمگە تانىتۋ كەرەك, سەبەبٸ ول قازاق حالقىنىڭ عانا ەمەس, ادامزاتتىڭ ابايى. ول ۇلى گۋمانيست. ابايدى ەرتٷرلٸ تٸلگە اۋدارۋ ارقىلى ناسيحاتتاۋ – باستى باعىتتاردىڭ بٸرٸ بولۋى كەرەك. پرەزيدەنت ابايدىڭ 175 جىلدىعىن اتاپ ٶتۋ اياسىندا ەۇۋ-دا «اباي اكادەميياسى» عىلىمي-زەرتتەۋ ينستيتۋتىن قۇرۋدى تاپسىرعان بولاتىن. 6 ايدىڭ ٸشٸندە ٶز قاراجاتىمىزبەن ارنايى جوبانى ٸسكە اسىردىق. 100-دەن استام زەرتتەۋشٸ جۇمىس ٸستەۋدە. 16 زەرتتەۋ ەڭبەگٸمٸز 10 تامىز كٷنٸ جارىق كٶردٸ. جىل سوڭىنا دەيٸن تاعى 20-دان استام كٸتاپ شىعارۋ جوسپاردا بار», - دەيدٸ ول.
