Biyl Abaidyń 175 jyldyq mereitoiy QR Mádeniet jáne sport ministrligi jyl saiyn bóletin qarajat aiasynda toilanady. Bul týraly Ortalyq kommýnikatsiialar qyzmetinde ótken baspasóz konferentsiiasynda QR Mádeniet jáne sport vitse-ministri Nurǵisa Dáýeshov aitty, dep habarlaidy QazAqparat.
«Abaidyń 175 jyldyq mereitoiyna arnalǵan sharalar QR Mádeniet jáne sport ministrliginiń 3 mlrd teńge kólemindegi jyldyq josparlanǵan qarjysy esebinen ótedi. Mysaly, Abai atyndaǵy Opera jáne balet teatry gastroldik saparlaryna bólingen jyl saiynǵy qarjyny Abai jylyna arnap, Máskeý, Túrkiia, Qytaiǵa baryp óner kórsetedi», - deidi Nurǵisa Dáýeshov.
Mereitoi aiasynda Abaidyń «Jidebai-Bórili» memlekettik tarihi-mádeni jáne ádebi-memorialdyq mýzei-qoryǵyn túrlendirý jáne aqyn esimimen bailanysty tarihi-mádeni mura obektilerine ǵylymi-restavratsiialaý jumystaryn júrgizý qarastyrylǵan.
«Bul jumystardyń bári «Qazrestavratsiia» uiymyna bólingen qarajat esebinen jasalady. Mysaly, Abaidyń Semei qalasyndaǵy mýzeiiniń ishki jóndeý jumystaryna 30 mln teńge bólindi», - deidi Nurǵisa Dáýeshov.
Uly Abai mereitoiynyń resmi saltanatty ashylý rásimi 21 qańtar kúni Nur-Sultan qalasynda ótedi.
