بيىل ابايدىڭ 175 جىلدىق مەرەيتويى قر مەدەنيەت جەنە سپورت مينيسترلٸگٸ جىل سايىن بٶلەتٸن قاراجات اياسىندا تويلانادى. بۇل تۋرالى ورتالىق كوممۋنيكاتسييالار قىزمەتٸندە ٶتكەن باسپاسٶز كونفەرەنتسيياسىندا قر مەدەنيەت جەنە سپورت ۆيتسە-مينيسترٸ نۇرعيسا دەۋەشوۆ ايتتى, دەپ حابارلايدى قازاقپارات.
«ابايدىڭ 175 جىلدىق مەرەيتويىنا ارنالعان شارالار قر مەدەنيەت جەنە سپورت مينيسترلٸگٸنٸڭ 3 ملرد تەڭگە كٶلەمٸندەگٸ جىلدىق جوسپارلانعان قارجىسى ەسەبٸنەن ٶتەدٸ. مىسالى, اباي اتىنداعى وپەرا جەنە بالەت تەاترى گاسترولدٸك ساپارلارىنا بٶلٸنگەن جىل سايىنعى قارجىنى اباي جىلىنا ارناپ, مەسكەۋ, تٷركييا, قىتايعا بارىپ ٶنەر كٶرسەتەدٸ», - دەيدٸ نۇرعيسا دەۋەشوۆ.
مەرەيتوي اياسىندا ابايدىڭ «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي-مەموريالدىق مۋزەي-قورىعىن تٷرلەندٸرۋ جەنە اقىن ەسٸمٸمەن بايلانىستى تاريحي-مەدەني مۇرا وبەكتٸلەرٸنە عىلىمي-رەستاۆراتسييالاۋ جۇمىستارىن جٷرگٸزۋ قاراستىرىلعان.
«بۇل جۇمىستاردىڭ بەرٸ «قازرەستاۆراتسييا» ۇيىمىنا بٶلٸنگەن قاراجات ەسەبٸنەن جاسالادى. مىسالى, ابايدىڭ سەمەي قالاسىنداعى مۋزەيٸنٸڭ ٸشكٸ جٶندەۋ جۇمىستارىنا 30 ملن تەڭگە بٶلٸندٸ», - دەيدٸ نۇرعيسا دەۋەشوۆ.
ۇلى اباي مەرەيتويىنىڭ رەسمي سالتاناتتى اشىلۋ رەسٸمٸ 21 قاڭتار كٷنٸ نۇر-سۇلتان قالاسىندا ٶتەدٸ.
