Qazaqtyń uly aqyny Abaidyń óleńderi 175 jyldyq mereitoiyna orai grýzin tiline aýdaryldy. Al, Tblisidegi kósheniń birine uly tulǵanyń esimi beriledi, dep habarlaidy "Ult aqparat" Grýziiadaǵy Qazaqstan Elshiligine silteme jasap.
«Tbiliside qazaqtyń uly aqyny, oishyly Abai atyndaǵy kóshe ashylatyn boldy. Tbilisi qalalyq jinalysynyń 2020 jylǵy 24 shildedegi №188 qaýlysyna sáikes, Grýziia astanasyndaǵy kóshege qazaqtyń uly aqyny jáne aǵartýshysy Abaidyń atyn berý týraly sheshim qabyldandy. Kósheniń saltanatty ashylýy jýyrda uiymdastyrylatyn bolady.
Sonymen qatar, biylǵy mereitoily jyly hákim Abai alǵash ret grýzin tilinde sóiledi. Elshiliktiń qoldaýymen Abai Qunanbaiulynyń óleńderi tuńǵysh ret grýzin tiline aýdarylyp, óleńder jinaǵy Tbilisidegi «Merani» baspasynan basylyp shyqty» -dep habarlady Qazaqstannyń Grýziiadaǵy elshiligi Facebook-tegi paraqshasynda.
Elshiliktiń málimetinshe, Abai óleńderin grýzinniń belgili aqyny, Ilia Chavchavadze, Anna Kalandadze jáne Galaktin Tabidze atyndaǵy syilyqtardyń iegeri, birneshe óleń jinaǵynyń avtory, Grýziia Jazýshylar Odaǵynyń tóraiymy Makvala Gonashvili aýdarǵan.
Sondai-aq, Abai óleńderi Grýziianyń ádebi jýrnaldarynda basyla bastaǵan.
