قازاقتىڭ ۇلى اقىنى ابايدىڭ ٶلەڭدەرٸ 175 جىلدىق مەرەيتويىنا وراي گرۋزين تٸلٸنە اۋدارىلدى. ال, تبليسيدەگٸ كٶشەنٸڭ بٸرٸنە ۇلى تۇلعانىڭ ەسٸمٸ بەرٸلەدٸ, دەپ حابارلايدى "ۇلت اقپارات" گرۋزيياداعى قازاقستان ەلشٸلٸگٸنە سٸلتەمە جاساپ.
«تبيليسيدە قازاقتىڭ ۇلى اقىنى, ويشىلى اباي اتىنداعى كٶشە اشىلاتىن بولدى. تبيليسي قالالىق جينالىسىنىڭ 2020 جىلعى 24 شٸلدەدەگٸ №188 قاۋلىسىنا سەيكەس, گرۋزييا استاناسىنداعى كٶشەگە قازاقتىڭ ۇلى اقىنى جەنە اعارتۋشىسى ابايدىڭ اتىن بەرۋ تۋرالى شەشٸم قابىلداندى. كٶشەنٸڭ سالتاناتتى اشىلۋى جۋىردا ۇيىمداستىرىلاتىن بولادى.
سونىمەن قاتار, بيىلعى مەرەيتويلى جىلى حەكٸم اباي العاش رەت گرۋزين تٸلٸندە سٶيلەدٸ. ەلشٸلٸكتٸڭ قولداۋىمەن اباي قۇنانبايۇلىنىڭ ٶلەڭدەرٸ تۇڭعىش رەت گرۋزين تٸلٸنە اۋدارىلىپ, ٶلەڭدەر جيناعى تبيليسيدەگٸ «مەراني» باسپاسىنان باسىلىپ شىقتى» -دەپ حابارلادى قازاقستاننىڭ گرۋزيياداعى ەلشٸلٸگٸ Facebook-تەگٸ پاراقشاسىندا.
ەلشٸلٸكتٸڭ مەلٸمەتٸنشە, اباي ٶلەڭدەرٸن گرۋزيننٸڭ بەلگٸلٸ اقىنى, يليا چاۆچاۆادزە, اننا كالاندادزە جەنە گالاكتين تابيدزە اتىنداعى سىيلىقتاردىڭ يەگەرٸ, بٸرنەشە ٶلەڭ جيناعىنىڭ اۆتورى, گرۋزييا جازۋشىلار وداعىنىڭ تٶرايىمى ماكۆالا گوناشۆيلي اۋدارعان.
سونداي-اق, اباي ٶلەڭدەرٸ گرۋزييانىڭ ەدەبي جۋرنالدارىندا باسىلا باستاعان.
