Foto: gov.kz
Úkimet Abai oblysyndaǵy jylý jelilerin jóndeýge rezervten shamamen 2,5 mlrd teńge bóldi. Tiisti qaýlyǵa Premer-ministr Oljas Bektenov qol qoidy, dep habarlaidy Ult.kz.
Qarajat aldaǵy jylytý maýsymynyń turaqty ótýin qamtamasyz etý úshin Semei qalasyndaǵy jylýmen qamtý nysandaryn jóndeýge baǵyttalady.
Semei qalasynda 340 myńǵa jýyq halyq turady. Ortalyqtandyrylǵan jylýmen jabdyqtaý júiesi 70 myńnan astam tutynýshyny, sonyń ishinde kópqabatty jáne jeke turǵyn úilerdi, sondai-aq áleýmettik infraqurylym nysandaryn jylýmen qamtamasyz etedi.
Qaladaǵy syrtqy jylý jelileriniń jalpy uzyndyǵy – 325,5 shaqyrym. Jelilerdiń tozý deńgeii 58,2% nemese 189 shaqyrym, bul infraqurylymdy kezeń-kezeńimen jóndeý jáne jańǵyrtý jumystaryn jalǵastyrý qajet ekenin kórsetedi.
Keiingi jyldary qalada 54 shaqyrym jylý jelililerin aýystyrý, kúrdeli jóndeý, rekonstrýktsiialaý jumystary júrgizildi. Nátijesinde tozý deńgeii 75%-dan 58%-ǵa deiin tómendedi.
2025–2026 jyldardaǵy jylytý maýsymyna daiyndyq aiasynda Semei qalasyndaǵy jylýmen qamtý nysandarynda birinshi kezektegi jóndeý jumystary júrgizildi. Bul rette qajetti qarjylandyrýdyń 70%-y Úkimet rezervi esebinen qamtamasyz etildi.
Bólingen qarjy 2026–2027 jyldardaǵy jylytý maýsymyna daiyndyq sheńberinde jylý jelileriniń eń mańyzdy ýchaskelerin jańartýdy jalǵastyrýǵa múmkindik beredi. Sonymen qatar bul Semeidegi jylýmen jabdyqtaý júiesiniń senimdiligin arttyryp, qysqy júkteme kezinde júieniń turaqty jumys isteýin qamtamasyz etedi.
