Illiýstratsiialyq foto: ©Turar Qazanǵapov
Abai oblysy Jarma aýdanyndaǵy zeinetker erli-zaiypty men balanyń ólimine qatysty málimet belgili boldy. Buqaralyq aqparat quraldary men áleýmettik jelilerde marqumdar úiine jolda ustaǵan taksimen kelgeni jazylǵan, - dep habarlaidy Tengrinews.kz agenttigi.
Abai oblystyq Politsiia departamentinde bul aqparatty rastamady. Politseilerdiń aitýynsha, iske kólik júrgizýshisiniń qatysy joq, sonymen qatar júrgizilgen saraptamalardyń nátijeleri belgili bolǵan.
"Marqumdardy taksi júrgizýshisi jetkizip tastaǵany týraly aqparat jalǵan. Mundai aqparatty BAQ ókilderine bergen joqpyz. Rasynda da, sol aýylda qonaqqa barǵan deregi boldy. Otbasy úige oralǵanda, syrtta kún sýytyp, qarly boran soǵyp, olar baǵdardy joǵaltqan siiaqty. Iste taksi júrgizýshisi joq", - dedi Abai oblystyq Politsiia departamenti baspasóz qyzmeti basshysynyń mindetin atqarýshy Dina Ámirenova.
Politsiia málimetinshe, bastapqyda máiitterdiń tabylý deregi boiynsha qylmystyq is qozǵalyp, saraptamalar taǵaiyndalǵan. Tekserý nátijeleri boiynsha ólim qatty tońýdan bolǵany anyqtaldy. Bul jaǵdaida ólimniń zorlyq-zombylyq faktorlary anyqtalǵan joq.
Eske salaiyq, buǵan deiin qart erli-zaiyptynyń nemeresimen qonaqqa kelgeni habarlanǵan bolatyn. Olar úiine qaitqanda qatty aiaz bolǵan. Keiinirek erli-zaiypty men balanyń máiiti tabyldy.
